Құрылыс материалдары деп этил спиртін тасығандар қолға түсті
Облыстық ІІД баспасөз қызметі хабарлағандай 12 ақпан күні 10:00-де Шу қаласындағы «Жеңіс» саябағының жанында айналма жолды полицейлер «Vоlvo-FH12» жүк көлігін тоқтатады. Жүргізушінің жол парағында 16 тонна құрылыс материалы Петропавл қаласына жөнелтілген деп жазылған, бірақ жүкті қабылдап алушы заңда немесе жеке тұлғаның нақты аты-жөні көрсетілмеген. Тексеріс барысында көліктен әрқайсысы мың литрлік 20 пластик ыдысқа құйылған ақшыл түсті сұйықтық табылған.
Бастапқы тексеріс кезінде жалпы көлемі 20 тонналық сұйықтық этил спирті екені анықталды. Оның үстіне тасымалданып бара жатқан жүктің ешқандай рұқсат құжаты болмаған.
Көлік жүргізушісі 43 жастағы Жамбыл облысының тұрғыны. Қазір аталған фактіге байланысты сот-химиялық сарптама тағайындалып, істің мән-жайы қаралу үстінде.