USD 435.1 EUR 493.27
RUB 5.69 CNY 68.63
Jańalyqtar

Құрлықтық хоккей лигасы: «Барыс» СКА-ны жеңді

2021 жылғы 17 қазан 23:07
Бөлісіңіз:
Құрлықтық хоккей лигасы: «Барыс» СКА-ны жеңді

НҰР-СҰЛТАН. ҚазАқпарат - Бүгін астаналық «Барыс» Құрлықтық хоккей лигасындағы кезекті ойынын Ресейдің СКА (Санкт-Петербург) командасымен өткізді, деп хабарлайды ҚазАқпарат тілшісі.

Ұқсас жаңалықтар
Футзалдан Еуропа чемпионаты: Ресей мен Хорватия қарсыластарын қапы қалдырды Абзал Әжғалиев пен Екатерина Айдова Бейжіңде ҚР Туын ұстап шығады Маңғыстау облысының әкімі Бибісара Асаубаеваны Әлем чемпионатындағы жеңісімен құттықтады

Ресейлік клуб биылғы турнирді сәтті өткізіп келеді. Нәтижесінде турнир кестесінде алғашқы бестікте тұр. Ал «Барыс» әзірге мұндай көрсеткішке қол жеткізе алмай жүр.

Десе де, биыл қазақстандық клуб елордада өткен бірінші кездесуінде аталған қарсыласын 3:0 есебімен сүріндірді.

Бүгін де «Барыс» алғашқы сәттен тізгінді қолына алуға тырысқан еді. Бірінші кезеңде олардың қатарынан Кирилл Савицкий 5-минутта мергендік танытты.

Екінші кезеңде бес шайба соғылды. Оның үшеуінде СКА клубының мерейі үстем болса, екеуінде «Барыс» мүлт кеткен жоқ. Ресейлік командадан Валентин Зыков - 21, Антон Бурдасов - 28, Эмиль Галимов 34-минутта қанжығасын майласа, оған Никита Михайлис - 26, Роман Старченко 38-минутта қос шайбамен жауап қайырды.

Негізгі кезең 3:3 есебімен тең аяқталып, ойын овертаймға ұласты. Овертаймда жеңімпаз анықталған жоқ. Буллитте «Барыстың» жолы болып, қарсыласын қапы қалдырып кетті.

Еске салсақ, бұдан бұрын «Барыс» «Куньлунь Ред Стардан» басым түскен еді.




Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT