14:19, 12 Шілде 2018 | GMT +6
Күре жолда соқтығысқан екі жүк көлігі өртеніп кетті
АСТАНА. ҚазАқпарат - Қырғызстанның Нарын облысы, Қошқар ауданының Сүтті Бұлақ ауылында екі жүк көлігі соқтығысып, артынша өртенген. Бұл туралы Кабар хабарлады.
Қырғыз Республикасы Төтенше жағдайлар министрлігінің мәліметінше, жол-көлік оқиғасы 11 шілде күні 08:20-да болған. Бішкек-Нарын-Торугарт автожолының 222-километрінде Volvo және Renault маркалы жүк көліктері соқтығысқан.
Апат салдарынан Volvo толығымен өртенген, ал Реноның тіркемесі жанған.
Абырой болғанда құрбан болғандар жоқ, ешкім зардап шекпеген.