+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Құрбан айт, Астана күні: Шілдеде қанша күн демалыс болады

2021 жылғы 10 маусым 10:04
Бөлісіңіз:
Құрбан айт, Астана күні: Шілдеде қанша күн демалыс болады

НҰР-СҰЛТАН. ҚазАқпарат – Шілде айында қазақстандықтар Астана күні мен Құрбан айт мейрамын тойлайды, деп хабарлайды ҚазАқпарат тілшісі.

Қазақстан Республикасындағы ұлттық және мемлекеттік мерекелер атап өтілетін күндер еліміздің еңбек заңдарына сәйкес мереке күндері деп танылады. Мереке күндері жұмыс істемейтін күндер болып табылады.

Ал биыл мемлекеттік мереке саналатын Астана күні 6 шілде сейсенбіге келіп тұр. Құрбан айт мейрамы да 20 шілде сейсенбіге дөп түседі. Ал 3 күнге созылатын бұл діни мейрамның бірінші күні елімізде демалыс ретінде жарияланған. Сондықтан 6 және 20 шілде күндері демалыс саналады. Демек, аптасына 5 күн жұмыс істейтін Қазақстан азаматтары шілде айында 11 күн демалады.

Айта кетейік, Ораза айттан 70 күннен кейін тойланатын Құрбан айтта жағдайы бар, əрі жолаушы емес мұсылманға құрбандық шалу - уəжіп, мұсылмандық міндет. Құрбандыққа түйе, сиыр жəне қой (ешкі де) шалынады. Құрбандық етінің бір бөлігі өзіне қалады, екінші бөлігі ағайын-туыс, көршілерге беріледі, үшінші бөлігі көмекке мұқтаж жандарға таратылады.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT