Құран оқу бөлмелеріне 10 адамнан артық кіруге болмайды – діни басқарма

НҰР-СҰЛТАН. ҚазАқпарат – Ел астанасындағы эпидемиологиялық жағдайдың құбылуына байланысты Рамазан айында құран оқыту мен неке қиғызу тәртібі өзгеріске ұшырады, деп хабарлайды ҚазАқпарат тілшісі.

Ұқсас жаңалықтар

Аида Балаева: Рамазан - рухани жаңару мен тазаруға үндейтін ай

Мәулен Әшімбаев: Рамазан – сабырлықтың, мейірімнің және ізгіліктің айы Нығматулин: Рамазан айы - әрбір адамға рухани бірлік пен күш-қуат береді Рамазан айы адамдарды жанашырлық пен мейірімділікке үндейді – Асқар Мамин

Нұр-Сұлтан қаласының Бас имамы Ерболат Жүсіпов Рамазан Рамазан айында еолрда мешіттерінде құран бағыштау рәсімдері қалай іске асатынын айтты.

«Құран оқытуға келген кезде әлеуметтік ара қашықтық сақталуы керек. Бізде арнайы бөлмелер бар. Ол бөлмедегі келушілердің саны 10 адамнан аспауы қажет. Олардың арасындағы қашықтық та өте маңызды. Құран оқыушы діни қызметкер мен келген жамағатта да бетперденің болуы міндетті. Сонымен қатар, құран оқитын бөлмелердің алдында арнайы санитарлық тазалағыш заттар тұрады. Соларды міндетті түрде қолдануымыз керек. Құран оқитын бөлме әр 3 сағат сайын есік-терезесі ашылып, тазартылып тұруы керек. Бұл талаптар жергілікті бас санитарлық дәрігердің шешімі бойынша өзгеріп отырады. Жеке намазға келуші адамға да, құран оқытушы адамға да бас санитардың шешіміне сүйеніп жағдай жасалады», - деді қаланың Бас имамы.

Діни қызметкердің айтуынша, неке қиғызуға келген адамдарға қойылатын талап та осыған ұқсас.

«Неке бөлмесіне тек неке қидыратын екі жас пен куәгердің кіруі ғана қаматамасыз етіледі. Мұндай сәтте жастардың жақындары қуанышты жағдайға қатысқысы келетіні түсінікті . Бірақ қазіргі жағдайды ескеру керек. Некесін қиғызушылардың арасында да 2 метр қашықтық болу керек. Неке қиып болған соң мешіттен тезірек шығып кетуге кеңес береміз. Неке залы да әр 3 сағат сайын залалсыздандырылып, тазаланып тұруы керек», - деді Ерболат Жүсіпов.

Мамандардың айтуынша, ораза ұстаған елордалықтар да вакцина ала алады.

Еске салсақ, осы брифинг барысында елордалық еріктілер ауызашар қоржынын жеткізуге көмектесетіні айтылды.