Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Құлжа тасжолында көлік апатынан үш адам мерт болды

2022 жылғы 10 маусым 15:51

АЛМАТЫ. ҚазАқпарат - Алматыда Құлжа тасжолының бойында екі көлік соқтығысып, үш адам оқиға орнында көз жұмды, деп хабарлайды ҚазАқпарат тілшісі.

Алматы қалалық полиция департаментінің мәліметінше, жантүршігерлік жол апаты 10 маусым күні таңғы сағат 07:50 шамасында Құлжа тасжолында болды.

«Құлжа тасжолының батыс бағытында келе жатқан «БМВ-525» маркалы автокөліктің жүргізушісі рульге ие бола алмай, жолдың қарсы бетіне шығып кетіп, «Мерседес Бенц» автокөлігімен соқтығысқан. Салдарынан екі көлік жүргізушісі мен «Мерседес Бенц» машинасында отырған 1978 жылы туған әйел оқиға орнында көз жұмды», - деді Алматы қалалық ПД анықтау басқармасының бастығы Олжас Шәріпов.

Полиция өкілінің сөзінше, аталған дерек Қылмыстық кодекстің 345-бабының 4-бөлігімен тіркелді.

Сот-медициналық және тергеу сараптамалары тағайындалды.


Автор:

Алма Мұқанова

Новости по теме
Ұқсас жаңалықтар