Күләш Шәмшидинова қазіргі мұғалімдер қандай болуы керектігін айтты
«Бізде жыл сайын осындай конференция ұйымдастырады. Биыл мектеп әлемін жаңғыртатын мұғалімдер мәселесі жан-жақты талқылануда.Мұғалімнің өзі оқушылар, ата-аналар және қоғамда жаңа көзқарас қалыптастыра бастады. Біз білім беру жүйесін дамытып, оның сыртқы күштер әсерінен сапасын жоғалтпау жағын қамтамасыз ету үрдісін барлық мектептерде қалыптастыруымыз керек», - деді «Назарбаев зияткерлік мектептері» дербес білім беру ұйымының басқарма төрағасы Күләш Шәмшидинова «Мектеп әлемін өзгертетін – ұстаздар» конференциясында.
Ол қазіргі заманға сай мұғалім келбеті қандай болуы керектігін айтты.
«Уақытты тиімді пайдаланатын, міндеттерді нақты анықтай алатын, түйінді мәселелерді шешудің тиімді жолдарын тез табатын, өзінің міндеті үшін толық жауапкершілік ала алатын көшбасшы болуы тиіс», - деді төраға.
Еске сала кетсек, бұған дейін ордада мыңнан астам педагогтың қатысуымен ХІ халықаралық ғылыми-тәжірибелік конференция өтіп жатқаны және білім саласындағы басты стратегиялық бағыт – Назарбаев зияткерлік мектептерінің тәжірибесін жалпы білім беретін мектептерде қолдану екені туралы жазған болатынбыз.