+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Құқық бұзған шетелдіктер міндетті түрде елден шығарылмақ

2019 жылғы 23 мамыр 19:11
Бөлісіңіз:
Құқық бұзған шетелдіктер міндетті түрде елден шығарылмақ

НҰР-СҰЛТАН. ҚазАқпарат - Қазақстан аумағында құқық бұзған шетелдіктерді міндетті түрде ел аумағынан шығару ұсынылып отыр.

Бұл туралы Әділет министрлігінде Заң жобалау қызметі мәселелері жөніндегі ведомствоаралық комиссияның отырысында ҚР Бас прокурорының орынбасары Болат Дембаев мәлім етті, деп хабарлайды ҚазАқпарат тілшісі.

«Бізде миграциялық ағын өте көп және Қазақстанға келетін шетелдіктердің қарасы қалың. Олардың арасында құқық бұзушылыққа жол бергендер жауапқа тартылып, айыппұл тағайындалады. Кейіннен олар осы айыппұлды төлемегені және ел аумағынан шығарылмағаны анықталады», - деді Б. Дембаев тиісті заң жобасының тұжырымдамасын таныстыру барысында.

Сондықтан қалыптасқан тәжірибені ескере отырып, елден тысқары шығару негізгі әрі қосымша жаза ретінде болуы керек деген шешім қабылданды.

«Яғни шетел азаматы құқық бұзушылыққа жол берсе, оны біздің мемлекеттен шығарып жіберу түріндегі міндетті жаза ескеріліп отыр», - деп түсіндірді Бас прокурордың орынбасары.

Айта кетейік, бүгін комиссия отырысында Қазақстан Республикасының кейбір заңнамалық актілеріне қылмыстық және қылмыстық-процестік заңнаманы жетілдіру мәселелері бойынша өзгерістер мен толықтырулар енгізу» туралы заң жобасының тұжырымдамасы қаралды. Осы орайда қылмыстық заңнаманы жетілдіру аясында бірқатар жаңалықтар енгізіліп отыр.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT