Кукушкин АТР Challenger турнирінің финалына шықты

АСТАНА. ҚазАқпарат - Қазақстандық теннисші Михаил Кукушкин Американың Ирвинг қаласында өтіп жатқан АТР Challenger турнирінің финалына шықты.

Финалда Михаил Кукушкин британдық Альяз Беденмен күш сынасады.  

Отандасымыз 1/4 финалда ресейлік қарсыласы Карен Хачановты екі сетте  6:4, 7:6 есебімен ұтып, жартылай финалға өтті. Жерлесіміз жартылай финалда гарманиялық Дастин Браунды екі сетте 6:4; 6:4 есебімен ұтты .

Естеріңізге сала кетейік, қазақстандық теннисші Михаил Кукушкин АҚШ-тың Ирвинг қаласында өтіп жатқан ATP Challenger турнирінің бірінші кезеңінде жергілікті теннисші Денис Кудламен сайысқа түсіп, оны 4:6, 6:3, 6:1 есебімен ұтса, екінші кезеңде тайваньдық тенисші Лу Яньсюнмен шеберлік байқасып, қарсыласын 6:2, 4:6, 6:4 есебімен қапы қалдырған болатын.

Жарыстың жүлде қоры 150 мың доллар, деп хабарлайды ҚР Қазақстанның теннис федерациясы.