+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Қуаңшылық: Қазығұрттықтар Аралға 3 вагон жем-шөп жөнелтті

2021 жылғы 31 шілде 02:42
Бөлісіңіз:
Қуаңшылық: Қазығұрттықтар Аралға 3 вагон жем-шөп жөнелтті

ТҮРКІСТАН. ҚазАқпарат – Қызылорда өңіріне қазығұрттық шаруалар мен кәсіпкерлер көмек қолын созды, деп хабарлайды ҚазАқпарат әкімдікке сілтеме жасап.

Ұқсас жаңалықтар
Ғалымжан Ниязов Маңғыстау облысында қанша мал қырылғанын айтты Маңғыстау облысында тіркелген малдың 0,18 пайызы қуаңшылықтан қырылды Дәнді дақыл шығымы былтырғыдан 33,6 пайыз төмен болуы мүмкін - АШМ

Биыл ауа райының қолайсыздығынан жауын-шашынның аз түсуінен қуаңшылықтың салдарынан зардап шеккен Қызылорда өңіріне қазығұрттық шаруалар мен кәсіпкерлер көмек қолын созуда. 3 вагон жем-шөп Шымкент қаласының теміржол стансасынан жолға шықты. 50 тонна мал азығы құрғақшылықтан зардап шегіп, төтенше жағдай жарияланған көрші Қызылорда облысы Арал ауданына бағытталды. Мал азығы өңірдегі шөп жетпеушілігінен қиындыққа тап болған шаруаларға тегін үлестіріледі.

Айта кетейік, биыл наурыз-сәуір айларында еліміздің оңтүстігі мен батыс облыстарының басым бөлігінде көктемгі жауын-шашын нормадан аз түсіп, ауа температурасы жоғары болғаны белгілі. Соның салдарынан ұзақ жылдан бері болмаған құрғақшылық мал шаруашылығына ауыр тиді.

Құрғақшылық Түркістан облысында да орын алды. Бүгінде өңірдегі жағдай тұрақты. Табиғи шөп бітік шықпағанына қарамастан, егістікті әртараптандыру орман қорындағы босалқы жайылым жерлер шаруалардың уақытша пайдалануына беру шараларының нәтижесінде облыстағы мал басына қажетті 3,9 млн.тн мал азығын 100 % дайындауға толық мүмкіндіктер бар.

Осы уақыт аралығында оңтүстік жұрты бірігіп, батыс облыстары мен көрші Қызылорда облысына 70 вагоннан астам мал азығын жіберді. Бұл іске «Қазақстан темір жолы» ұлттық компаниясы қолдау көрсетуде.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT