+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Қуандық Бишімбаев өз кінәсін толық мойындады – комитет

2019 жылғы 11 қазан 17:13
Бөлісіңіз:
Қуандық Бишімбаев өз кінәсін толық мойындады – комитет

НҰР-СҰЛТАН. ҚазАқпарат – ҚР ІІМ Қылмыстық атқару жүйесі комитеті бұрынғы ұлттық экономика министрі Қуандық Бишімбаевтің бостандыққа шығуын түсіндірді, деп хабарлайды ҚазАқпарат.

Ұқсас жаңалықтар

«2019 жылдың 25 қыркүйегінде Шымкент қаласы Абай аудандық соты Қ. Бишімбаевты мерзімінен бұрын шартты түрде босату туралы өтінішхатты қарады және қанағаттандырды. Сот шешімі 2019 жылдың 11 қазанында күшіне енген. Бұған дейін Қ. Бишімбаев рақымшылық жасауды өтініп, Мемлекет басшысына жүгінген еді. 2019 жылдың ақпанында бұл өтініш жаза мерзімін қысқарту түрінде мақұлданған», - деп хабарлады ҚР ІІМ ҚАЖ комитетінің баспасөз қызметі.

Мерзімінен бұрын шартты түрде босату туралы өтінішті қарау кезінде сотталушының абақтыдағы мінез-құлқы, кінәсін толық мойындауы сынды бас бостандығынан айыруды қажет етпейтінін көрсететін жағдайлар ескеріледі.

«Қуандық Бишімбаев өз айыбын толық мойындаған және өкініш білдірген. Сот тағайындаған өтемақыны төлеген. Жазасын өтеу барысында Қ. Бишімбаев өзін байыпты ұстаған және мәдени шараларға белсене қатысқан. Жазаның қалған бөлігін экс-министр пробациялық бақылауда өтейді», - делінген хабарламада.

Айта кетейік, бүгін Шымкент қаласының түрмесінде жазасын өтеп жатқан Қуандық Бишімбаев бостандыққа шықты. 2019 жылы 13 ақпанда сотталушы Қуандық Бишімбаев Президент жарлығымен рақымшылыққа ілініп, жазасын өтеу мерзімі 10 жылдан 4 жылға қысқарған. Бүгінде жазасының үштен екі бөлігін өтеп қойған. 167/3 түзеу мекемесінің басшылығы оған жақсы мінездеме берген.

Еске сала кетсек, өткен жылдың наурыз айында бұрынғы ұлттық экономика министрі мен осы іске қатысты өзге де айыпталушыларға үкім шыққан еді. Сот үкімімен Қуандық Бишімбаевтің мүлкі тәркіленіп, 10 жылға сотталды. Сонымен бірге, ол өмір бойына мемлекеттік қызметте жұмыс істеу құқығынан айырылды . Биылғы 4 қаңтар күні Қуандық Бишімбаев Шымкенттегі қауіпсіздігі орташа түзеу мекемесіне ауыстырылған болатын .

Біздің каналымызға жазылыңыз:

Басты сөздер: Сот, Заң,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT