+7 (701) 759 90 19
USD 427.55 EUR 515.84
RUB 5.75 CNY 66.24
Jańalyqtar

Криштиану Роналду ХХІ ғасырдың үздік футболшысы атанды

2020 жылғы 28 желтоқсан 02:38
Бөлісіңіз:
Криштиану Роналду ХХІ ғасырдың үздік футболшысы атанды

НҰР-СҰЛТАН. ҚазАқпарат – Футболдағы жетістіктер үшін берілетін «Globe Soccer Awards» сыйлығының иегерлері анықталды. Салтанатты марапаттау рәсімі 27 желтоқсан күні Дубайда өтті. ҚазАқпарат бұл туралы Eurosport-қа сілтеме жасап хабарлайды.

«ХХІ ғасырдың үздік бапкері» номинациясында (2001-2020 жылдар аралығында) «Манчестер Сити»-дің тізгінін ұстаған Пеп Гвардиола жеңіске жетті. Бұл сыйлыққа үміткерлер қатарында Зинедин Зидан («Реал»), Жозе Моуринью («Тоттенхэм») және Алекс Фергюсон («Манчестер Юнайтед»-тің бұрынғы бапкері) болды.

«2020 жылдың үздік бапкері» атағы «Бавария»-мен жұмыс істейтін Ханс-Дитер Фликке берілді. Ол «Ливерпуль»-дан Юрген Клоппты және «Аталанты»-дан Джан Пьеро Гасперинді артта қалдырды.

«ХХІ ғасырдың үздік ойыншысы» номинациясында «Ювентус» клубының 35 жастағы мүшесі Криштиану Роналду алды. Онымен бірге бақталасқа түскен – Месси, Мохамед Салах және Роналдиньо.

К.Роналду сондай-ақ «2020 жылдың үздік ойыншысы» атағын алуы керек еді. Себебі ол дауыс беру нәтижесі бойынша Роберт Левандовский мен Лионель Мессиді басып озған. Алайда, қазылар алқасы сыйлықты «Баварияның» шабуылшысы Р. Левандовскийге беруді шешті.




Біздің каналымызға жазылыңыз:

Бөлісіңіз:

Автор:

Мира Төлендіқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT