ҚР Үкімет басшысы Серік Ахметов Башқұртстан Президенті Рустэм Хамитовпен кездесті

АСТАНА. 9 қазан. ҚазАқпарат - Бүгін елордадағы Л.Н. Гумилев атындағы Еуразия ұлттық университетінде Башқұртстан Президенті Рустэм Хамитов дәріс оқыды.

«Башқұртстанда бес мыңға жуық қазақ тұрады, ал Қазақстанда 17-18 мыңға тарта башқұрт бар. Атап айтқанда біздің елде қазақтардың «Ақ бата» ұлттық мәдени орталығы жұмыс істеуде. Өз кезегінде Қазақстанда Дүниежүзілік башқұрттар құрылтайының құрамына кіретін ұлттық үш мәдени орталық бар», - деді Рустэм Хамитов.

Сонымен қатар ол Қазақстан ірі әріптестердің бірі болып табылатынын, тауар айналымының жалпы көлемі 1 млрд. АҚШ долларына жеткенін сөз етті. «Жалпы алғанда Қазақстан мен Ресейдің сауда көлемі 25 млрд. доллар, ал оның ішінде Башқұртстан үлесі 4 пайызды құрайды», - деп тоқталды Р. Хамитов.

Ол Қазақстанмен арада тауар айналымын арттыруға мүдделі екеніндіктерін айта келе: «Бүгін мен Қазақстанның Үкімет басшысымен кездестім. Онда біз бірлескен өндірістерді құру, өнеркәсіптік нысандарды арттырудағы іс-қимылдар жайын талқыладық. Бұл тұрғыда жұмыс тобын құру туралы уағдастыққа қол жеткіздік», - деп түйді Президент