ҚР Тұңғыш Президенті күні мерекесіне орай ұйымдастырылған байқауда ақмолалық оқушылар жеңімпаз атанды

КӨКШЕТАУ. ҚазАқпарат - Астана қаласында ҚР Тұңғыш Президенті күні мерекесіне орай 7-8 сынып оқушылары арасында өткен «Менің тұңғыш Президентім» республикалық байқауында ақмолалық оқушылар жеңімпаз атанды.

Бұл туралы «Ақмола Медиа Орталығы» хабарлады.

Байқауға еліміздің 6 облысынан барлығы 30 бала қатысты. Оның ішінде Ақмола облысының абыройын Есіл қаласындағы №2 балалар үйінің тәрбиеленушілері қорғады.

Аталған балалар үйінен барған 7 баланың ішінде «Нұрсұлтан Назарбаев туралы өлеңдер» және «Бейне тұсаукесер» аталымдары бойынша бақ сынаған 7 және 8 сынып оқушылары Ангелина Благодарова мен Роман Смирнов бірінші орыннан көрінсе, 7 сыныпта оқитын Любовь Носатенко мен Евгения Гайнутдинова «Бірінші Президент туралы әңгіме» және «Менің тұңғыш Президентім» аталымдары бойынша екінші орынға тұрақтады.