Қолданушы баптаулары
Қолданушы баптаулары
+7 (701) 759 90 19 Лента
USD 378.87 EUR 422.40
RUB 5.87 CNY 54.85
Jańalyqtar

ҚР Сыртқы істер министрі Сауд Арабиясының елшісін қабылдады

2019 жылғы 18 сәуір 09:29 408
Бөлісіңіз:
ҚР Сыртқы істер министрі Сауд Арабиясының елшісін қабылдады

НҰР-СҰЛТАН. ҚазАқпарат - ҚР Сыртқы істер министрі Бейбіт Атамқұлов Сауд Арабиясының Қазақстандағы елшісі Дахир Мутиш әл-Эназиді, оның елімізде дипломатиялық миссиясының аяқталуына орай қабылдады, деп хабарлайды ҚР Сыртқы істер министрлігінің баспасөз қызметі.

Ұқсас жаңалықтар
Бейбіт Атамқұловтың қырғыз еліне ресми сапары басталды Жапонияның СІМ басшысы: Орталық Азия елдерімен ынтымақтастық нығайып келеді

Кездесу барысында тараптар саяси, сауда-экономикалық, мәдени-гуманитарлық салалардағы қазақстан-сауд ынтымақтастығының қазіргі жағдайы мен перспективаларын талқылады.

Нұр-Сұлтан мен Эр-Рияд арасындағы қарым-қатынастар туралы айту барысында сұхбаттасушылар бүгін екі мемлекет басшыларының өзара түсіністік пен достыққа негізделген тиімді жұмысының арқасында түрлі салалардағы ынтымақтастықтың жоғары нәтижелеріне қол жеткізгенін атап өтті.

Сыртқы саяси ведомствосының басшысы сауд дипломаты Қазақстанда қызмет еткен жылдарда екіжақты байланыстарды нығайту бойынша жемісті жұмыс жүргізгенін атап өтті.

Министр Сауд Арабиясына қазақстандық бастамаларды қолдағаны үшін ризашылығын білдіріп, екіжақты негізде және халықаралық деңгейде тұрақты кездесулер мен консультациялар арқылы ынтымақтастықты одан әрі нығайтуға ниетін білдірді.

Д.М. әл-Энази Қазақстанда жұмыс істеуі оған құрмет болғанын білдіріп, ҚР Тұңғыш Президенті - Елбасы Нұрсұлтан Назарбаевтың тәуелсіз Қазақстанның қалыптасуына, елдің халықаралық аренада беделін нығайтуына және Қазақстен мен Сауд Арабиясы арасында тығыз және сенімді қарым-қатынастардың орнатуына зор үлесін атап өтті. 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT