+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

ҚР СІМ Кабулдағы терактіге қатысты мәлімдеме жасады

2018 жылғы 28 қаңтар 16:35
Бөлісіңіз:
ҚР СІМ  Кабулдағы терактіге қатысты мәлімдеме жасады

АСТАНА. ҚазАқпарат - Қазақстан Республикасы Сыртқы істер министрлігінің Кабулдағы дипломатиялық ауданда орын алған террористік əрекетке байланысты мәлімдеме жасады, деп хабарлайды ҚазАқпарат.

«Қазақстан 28 қаңтарда Кабулдағы дипломатиялық орамда орын алған адамгершілікке жатпайтын, нәтижесінде ондаған бейбіт адамдар қаза болған, террористік әрекетті қатаң айыптайды.

Жедел жәрдем көлігін қылмыстық мақсатқа пайдалану - аса жантүршігерлік, арсыз және зұлымдық əрекет, - делінген ҚР СІМ сайтында жарияланған мәлімдемеде.

Қазақстан Ауғанстан халқы жеткілікті түрде зорлық-зомбылықты басынан кешкенін мәлімдей отырып, халықаралық қоғамдастықты өңірлік ынтымақтастықты кеңейту мен алдын алу дипломатиясы құралдарын тиімді пайдалану арқылы осы елге қолдау көрсетуге тағы да шақырады.

Қайтыс болғандардың отбасылары мен туысқандарына қайғырып көңіл айтамыз және зардап шеккендерге тезірек сауығып кетуді тілейміз».

Еске сала кетсек, сенбі күні Кабулдағы терактінің салдарынан 95 адам құрбан болды, 163 адам жарақат алды. Қазақстанның Сыртқы істер министрлігі құрбан болғандардың арасында қазақстандықтар туралы мәлімет түспегендігін хабарлады. Ал, бұған дейін 20 қаңтарда лаңкестер тобы Intercontinental Hotel қонақ үйіне шабуылдап, бір қазақстандық қаза тапқан еді.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT