ҚР Президенті Үкіметке Жаңаөзендегі жағдайды тез арада қарастыруды тапсырды

НҰР-СҰЛТАН. ҚазАқпарат - Мемлекет басшысы Қасым-Жомарт Тоқаев Twitter-дегі парақшасында Жаңаөзендегі жағдайға қатысты жазба жариялады, деп хабарлайды ҚазАқпарат.

«Үкіметке Жаңаөзендегі жағдайды экономикалық тұрғыдан ескеріп, құқықтық жағынан тез арада қарастыруды тапсырдым. Шеруге шыққандар қоғамдық тәртіпті бұзбауы тиіс. Азаматтардың жергілікті және орталық билік органдарына талабын ашық айтуға құқығы бар, бірақ, бұл заңға, нақтырақ айтқанда, бейбіт шерулер туралы заңға сәйкес жүзеге асырылуы керек» делінген хабарламада.

Айта кетейік, Жаңаөзен қаласының халқы газ бағасының көтерілуіне орай наразылық білдіруде.
Бұған дейін Маңғыстау облысының әкімдігі сұйытылған газ бағасының қымбаттауына қатысты пікір білдірген болатын.
Сондай-ақ, «Байдильдинов. Нефть» авторлық бағдарламасының жүргізушісі Олжас Байділдинов сұйытылған газ бағасы неліктен өсіп жатқанын айтқан болатын.