+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

ҚР Президенті Травматология орталығының жаңа корпусын салуға қатысты: Үкіметке тапсырма беріледі

2019 жылғы 19 қараша 14:17
Бөлісіңіз:
ҚР Президенті Травматология орталығының жаңа корпусын салуға қатысты: Үкіметке тапсырма беріледі

НҰР-СҰЛТАН. ҚазАқпарат – Мемлекет басшысы Қасым-Жомарт Тоқаев елордадағы «Травматология және ортопедия ғылыми-зерттеу институты» республикалық мемлекеттік кәсіпорнына барды, деп хабарлайды ҚазАқпарат Ақордаға сілтеме жасап.

Ұқсас жаңалықтар
Инвестор ретінде келетін неміс кәсіпкерлеріне жеңілдік жасауға ниеттіміз – ҚР Президенті Германиямен білім беру саласындағы ынтымақтастықты жалғастыра береміз - Тоқаев Меркель: Германия Қазақстанмен ынтымақтастықты нығайтуға мүдделі

ҚР Президенті ота жасайтын және реанимация бөлімдерін аралап көріп, медициналық мекеменің ұжымымен әңгімелесті.

Қ.Тоқаевқа институт жұмысының негізгі көрсеткіштері сондай-ақ, медицина мекемесінің ғылыми-зерттеу жобалары таныстырылды.



Травматология және ортопедия ғылыми-зерттеу институты – медицинаның аталған саласы бойынша озық технологияларды әзірлеумен, жетілдірумен және енгізумен айналысатын Қазақстандағы бірден-бір ғылыми-клиникалық, білім беру орталығы. Мұнда күн сайын 50-ден астам, ал бір жылда 8 мыңнан аса ота жасалады. Бүгінде медициналық орталықта 385 емделушіге арналған 14 клиникалық бөлімше жұмыс істейді. Осы бөлімшелердің негізінде буындарға эндопротез жасау, артроскопия және спорттық жарақаттарды емдеу, омыртқа патологиясын түзету сияқты 3 республикалық орталық ашылған.





Мекеме қызметкерлерімен кездесу барысында Мемлекет басшысы ғылыми-зерттеу институты жанынан қосымша 23,2 мың шаршы метрлік медициналық корпус салуға шешім қабылдағанын айтты. Президенттің пікірінше, ғылыми-зерттеу институтының ескірген ғимараттары заман талабына сай келмейді.

«2021 жылы бұл жерде жаңа ғимарат бой көтереді. Тиісті қаражат бөлінеді. Құрылыс жұмыстарына 26 миллиард теңге қажет. Мұның қомақты сома болғанына қарамастан, Үкіметке тиісті тапсырма беремін», – деді Қасым-Жомарт Тоқаев.



Жаңа корпуста ота жасайтын 6 зал, 300 орындық оңалту орталығы, оқу бөлімдері сондай-ақ, медициналық бұйымдар шығаратын шағын зауыт болады. Ғимарат пайдалануға берілгеннен кейін жоғары технологиялық медициналық қызмет көрсету көлемі 45 пайызға артады.

Институт ұжымы Президентке мемлекет тарапынан көрсетіліп жатқан қолдау үшін алғыс айтты. Мемлекет басшысы медицина қызметкерлерінің игілікті еңбегін жоғары бағалап, оларға табыс тіледі.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT