ҚР Президенті несие мөлшерлемесін азайту тетіктерін әзірлеуді тапсырды

НҰР-СҰЛТАН. ҚазАқпарат - Қазақстан Республикасының Президенті Қасым-Жомарт Тоқаев ҚР Ұлттық банкіне несиелеу мөлшерлемелерін одан ары азайту және экономиканы қаржыландыру көлемін арттыру тетіктерін әзірлеуді тапсырды, деп хабарлайды ҚазАқпарат Ақорданың Tуиттердегі парақшасына сілтеме жасап.

«Ұлттық банкке биылдың өзінде несиелеу мөлшерлемелерін одан ары азайту және экономиканы қаржыландыру көлемін арттыру тетіктерін әзірлеуді тапсырдым», - деп мәлім етті Мемлекет басшысы Қасым-Жомарт Тоқаев Маңғыстау облысының жұртшылық өкілдерімен кездесуі барысында.