USD 434.48 EUR 492.61
RUB 5.68 CNY 68.44
Jańalyqtar

ҚР Президенті Қырғызстан Министрлер кабинетінің төрағасы Ақылбек Жапаровты қабылдады

2021 жылғы 8 желтоқсан 14:58
Бөлісіңіз:
ҚР Президенті Қырғызстан Министрлер кабинетінің төрағасы Ақылбек Жапаровты қабылдады

НҰР-СҰЛТАН. ҚазАқпарат - Мемлекет басшысы Қырғыз Республикасының Президенті Әкімшілігінің Басшысы – Министрлер кабинетінің төрағасы Ақылбек Жапаровты қабылдады, деп хабарлайды ҚазАқпарат Ақордаға сілтеме жасап.

Ұқсас жаңалықтар
Тоқаев митингте ұсталғандар жайлы: Жауапкершілікті ауырлататын мән-жай болмаса жазаны жеңілдеткен жөн Президент Жарлығымен әскери қызметші Сәндібек Қайыров «Айбын» орденімен марапатталды Тоқаев ҰҚШҰ-ға мүше мемлекеттердің басшыларымен телефон арқылы сөйлесті

Кездесу барысында Қазақстан мен Қырғызстан арасындағы екіжақты стратегиялық ынтымақтастықтың өзекті мәселелері талқыланды. Сауда-экономикалық, инвестициялық, мәдени-гуманитарлық ықпалдастықты дамыту жөніндегі нақты шараларға баса мән берілді.

Қасым-Жомарт Тоқаев Ақылбек Жапаровқа ілтипат білдіре отырып, оның бұл сапарының достық, тату көршілік және одақтастық рухындағы қазақ-қырғыз қатынастарын талқылау тұрғысынан маңызды екенін атап өтті.

– Біз – бауырлас елміз. Мемлекеттеріміз – Ұжымдық қауіпсіздік туралы шарт ұйымы мен Еуразиялық экономикалық одаққа мүше. Екіжақты негізде әрдайым өзара тығыз ықпалдастығымыз бен ынтымақтастығымызды дамытып келеміз, – деді Мемлекет басшысы.

Президент өзара сауда-саттықтың оң қарқынын атап өтті. Екі ел арасындағы сауда айналымы биылғы 9 айдың қорытындысы бойынша 9 пайызға артып, 680 миллион долларға жеткен. Сонымен қатар ынтымақтастықтың барлық әлеуетін пайдалана отырып, осы бағыттағы жұмыс қарқынын үдете түсудің маңызды екенін айтты.

Ақылбек Жапаров өз кезегінде кездесуге мүмкіндік бергені үшін Қасым-Жомарт Тоқаевқа алғыс білдіріп, Қырғызстан Президентінің жүрекжарды сәлемін жеткізді. Сондай-ақ ол Мемлекет басшысы мен Қазақстан халқын Тәуелсіздіктің 30 жылдығымен құттықтады.

– Осы жылдар ішінде Қазақстан өзін қарқынды дамып келе жатқан ел, саяси және экономикалық тұрғыдан мықты, халықаралық аренадағы ұстанымы берік әрі беделді мемлекет ретінде танытты. Біз Қырғызстанда Сіздің еліңіздің жетістіктеріне әрдайым қуанамыз және бауырлас Қазақстанның қолдауын әрқашан сезінеміз, – деді Қырғызстан Министрлер кабинетінің төрағасы.

Ақылбек Жапаров Қасым-Жомарт Тоқаевқа екі ел үкіметтерінің арасында жүргізілген келіссөздердің табысты болғанын айтып, оның қорытындылары Қазақстан Президентінің Қырғызстанға жоспарлап отырған келесі жылғы сапарының сапалы әрі мазмұнды болуына септігін тигізетініне сенім білдірді.

Әңгімелесу соңында Қазақстан Президенті Қырғызстанға көмек көрсетуге, екі ел арасындағы өзара тиімді ынтымақтастықты жан-жақты дамытуға дайын екенін нақтылап, Қырғызстан Президенті Садыр Жапаровқа сәлемін жолдады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT