ҚР Президенті Кеңсесінің басшысы Әзербайжан Мәдениет министрімен кездесті
2018 жылғы 14 маусым 19:17

ҚР Президенті Кеңсесінің басшысы Әзербайжан Мәдениет министрімен кездесті

БАКУ. ҚазАқпарат -Бүгін Бакуде ҚР Президентінің Кеңсесінің басшысы Махмұд Қасымбеков бастаған қазақстандық делегация Әзербайжан Республикасының Мәдениет министрі Абульфас Гараевпен кездесті, деп хабарлайды Әзербайжан Республикасындағы ҚазАқпараттың меншікті тілшісі.

Кездесу барысында М.Қасымбеков «Нұрсұлтан Назарбаев. Өмірбаян» атты кітабының таныстырылымының жоғары деңгейде өткенін және үстіміздегі жылдың мамыр айында Астанада Әзербайжанның жалпыұлттық көшбасшысы Гейдар Әлиевтің өмірі жайында қазақ тілінде басылып шыққан туындысын Қазақстан жұрты жақсы қабылдағанын айтты. Сондай-ақ, қазақ халқының Әзербайжан еліне деген ерекше сый-құрметін жеткізді.

nullӘзербайжан Мәдениет министрі өз тарапынан Қазақстандағы кинематогрофтың жоғары деңгейде дамып келе жатқанын ескеріп, осы салада бірігіп жобалар жасауды ұсынды.

Бұл бастаманы ҚР Мәдениет және спорт министрі Арыстанбек Мұхамедиұлы да қолдады. Министр Ресеймен және Қытаймен бірігіп жасалған киножобаларды мысал етті. Олардың қатарында «28 панфиловшылар» сынды кинопрокатта көш бастаған фильмнің де бар екендігін атап өтті.

nullТараптар кездесу аясында 2018 және 2019 жылдары Қазақстанда Әзербайжан, Әзербайжанда Қазақстанның мәдениет күндерін өткізу мәселесін талқылады.

Кездесу соңында қазақстандық делегация басшысы А.Гараевке Гейдар Әлиев жайында қазақ тілінде жазылған естелік кітапты сыйға тартты.

Серіктестер жаңалықтары

Jańalyqtar

Үрдіс

MURAǴAT