+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

ҚР Президенті кандидатына қойылатын талаптар объективті - сарапшы

2019 жылғы 18 сәуір 17:44
Бөлісіңіз:
ҚР Президенті кандидатына қойылатын талаптар объективті - сарапшы

НҰР-СҰЛТАН. ҚазАқпарат - Қазақстан Республикасы Президенті үміткеріне қойылатын барлық талаптар объективті әрі халықаралық стандарттарға сай келеді. Мұндай пікірді ҚР Заңнама және құқықтық ақпарат институтының директоры Рамазан Сарпеков білдірді, деп хабарлайды ҚазАқпарат тілшісі.

«Қазақстан Республикасы Президентіне үміткерге қойылатын барлық талаптар объективті, халықаралық стандарттарға , ұлттық заңнама талаптарына сай келеді. Мәселен Қазақстан Республикасы Конституциясының 41-бабы мен 1995 жылдың 28 қыркүйегінде қабылданған «Қазақстан Республикасындағы сайлау туралы» Конституциялық заңның 54-бабына сәйкес Қзақстан Республикасының Президентіне болып тумысынан Республика азаматы болып табылатын, қырық жасқа толған, мемлекеттік тілді еркін меңгерген, Қазақстанда соңғы он бес жыл бойы тұратын және жоғары білімі бар азамат кандидат бола алады», - деді Рамазан Сарпеков.

Сонымен қатар, институт директоры ҚР Президенті кандидатына өзге де талаптардың қойылуы мүмкін екендігін атап өтті. Атап айтқанда, президент лауазымын атқаруға кедергі келтіретін ауруының жоқ екендігін нақтылау үшін медициналық куәландыру жүргізіледі. Нәтижесінде кандидаттың денсаулығы туралы медициналық қорытынды рәсімделеді. Мұнан бөлек, президент кандидатының мемлекеттік қызметте не болмаса сайланбалы мемлекеттік лауазымда кемінде 5 жылдық еңбек өтілі болуы тиіс.

«Бұған қоса, кандидаттың соңғы 15 жыл Қазақстанда тұрғаны мен мемлекеттік тілді еркін меңгергендігін Орталық сайлау комиссиясы бекіткен ережеге сай айқындалады. Сотталғандығы белгіленген тәртіппен өтелмеген немесе алып тасталмаған, сыбайлас жемқорлық қылмыс және сыбайлас жемқорлық құқық бұзушылық жасаудағы кінәсін сот заңда белгіленген тәртіппен таныған адам Қазақстан Республикасы президенттігіне кандидат бола алмайтындығын да білген жөн», - деді институт басшысы.

Біздің каналымызға жазылыңыз:

Басты сөздер: Қоғам, Сайлау 2019,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT