+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

ҚР Президенті Ауғанстанмен қарым-қатынас бойынша пікір білдірді

2020 жылғы 16 ақпан 03:16
Бөлісіңіз:
ҚР Президенті Ауғанстанмен қарым-қатынас бойынша пікір білдірді

МЮНХЕН. ҚазАқпарат – Мюнхен қауіпсіздік конференциясында Қасым-Жомарт Тоқаев Ауғанстанмен қарым-қатынасқа байланысты пікір білдірді, деп хабарлайды ҚазАқпарат тілшісі.

Ұқсас жаңалықтар
Қасым-Жомарт Тоқаев: Инновациялар мен цифрландыруға баса мән беріледі Қазақстан Президенті көрші елдермен тиімді қатынас туралы айтты Мюнхенде Қасым-Жомарт Тоқаев маңызды ұстанымын білдірді - Ричард Хаас

«Географиялық орналасудың маңызы: Орталық Азиядағы қазіргі жағдай» тақырыбындағы өткен панельдік пікірталас кезінде Халықаралық қатынастар кеңесінің президенті Ричард Хаас Орталық Азияның Ауғанстанға қатысты ұстанымы туралы сұрады.

Қазақстан Президенті Орталық Азия және Ауғанстан қарым-қатынас форматы аймақтағы тұрақтылыққа үлкен үлес қосатынын атап өтті.

Осы орайда, Қасым-Жомарт Тоқаев Қазақстанның оқу орындарында білім алу үшін ауған студенттеріне жағдай жасалғанын еске салды.

Мұнымен қоса, Мемлекет басшысы Қазақстан үшін Ауғанстан жақсы серіктес екенін атап өтті.

Бұған дейін хабарланғандай, 15 ақпан күні Мюнхен қаласында Қазақстан Президенті Қасым-Жомарт Тоқаев Ауғанстан Ислам Республикасының Президенті Ашраф Ғанимен кездесті.

Әңгімелесу барысында мемлекеттер басшылары сауда-экономикалық, көлік-логистикалық, гуманитарлық салалардағы екіжақты ынтымақтастықтың қазіргі ахуалы мен оны нығайтудың перспективаларын талқылады. Сонымен қатар, өңірлік және халықаралық күн тәртібіндегі өзекті мәселелер жөнінде пікір алмасты.

Еске сала кетейік, 14 ақпанда Мемлекет басшысы Қасым-Жомарт Тоқаев Германияның Мюнхен қаласына екі күндік жұмыс сапарымен келді.

Мюнхен қауіпсіздік конференциясында Президент көршілес елдермен өзара тиімді қарым-қатынас туралы айтты.

Айта кетейік, ҚР Президентінің кеңесшісі Ерлан Қарин Мюнхен конференциясында Орталық Азиядағы процестерге ерекше назар аударылғанын жеткізді.

Фото: Ақорда


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT