ҚР Премьер-Министрі Атырау облысында бизнесті дамыту үшін аса перспективалы бағыттарды белгіледі

АТЫРАУ. ҚазАқпарат - Атырау облысына жұмыс сапары аясында ҚР Премьер-Министрі Бақытжан Сағынтаев «Атамекен» ҰКП Өңірлік кеңесінің мүшелерімен өңірде шағын және орта бизнесті дамыту, сондай-ақ кәсіпкерлерді еліміздің мұнайгаз саласын цифрландыруға тарту мәселелері бойынша кездесу өткізді,деп хабарлайды primeminister.kz .

Іс-шара аясында өңірдің жастарымен  және Қазақстанда жұмыс істейтін ірі шетел инвесторларымен кездесулер  аясында қозғалған мұнай-газ саласын цифрландыру тақырыбы жалғасын тапты.

Кездесуге қатысушылар мұнайгаз саласын цифрландыруға қатысу бойынша бизнес қауымдастықтың перспективаларын, Атырау облысы аумағында дайын коммуникациялар мен ғимараттар бар шағын индустриялық аймақтар құру, ауыл шаруашылығы саласы бизнесін несиелендіру мәселелерін және нарықтың монополиялық және үстем субъектілеріне қатысты проблемаларды талқылады.  

Аталған тақырыптар бойынша «Атамекен» ҰКП басқарма төрағасы Абылай Мырзахметов, «Эмбаведьойл» ЖШС бас директоры Марат Чердабаев, «Изекен» ЖШС директоры Раиса Кушекова, «Береке» компаниялар тобы» ЖШС директоры Әсет Тұяқбаев, «БатысАльянсСтрой» ЖШС директоры Әділ Жұбанов, Атырау облысының Іскер әйелдер қауымдастығының төрағасы Нұрлы Айтиева, «БатысСерт» Сертификаттау орталығы» ЖШС директоры Жәнібек Әубекеров баяндама жасады.

Бақытжан Сағынтаев бүгінгі таңда Үкіметтің Мемлекет басшысы жариялаған Экономиканы үшінші жаңғыртуды іске асыруға бизнесті тарту бойынша кешенді жұмыс жүргізіп жатқандығын атап өтті. Бұл жұмыс бірінші кезекте цифрлық технологияларды экономиканың барлық басымдықты салаларына кеңінен енгізуді және бизнестің пайдалануын көздейді.  

Атап айтқанда, бұл бағытта кәсіпкерлерге сәйкес ынталандырулар жүйесін құру, олардың ішінде нормативтік базаны жетілдіру, кәсіпорындарды цифрлық трансформациялау үшін шығындарды азайту, цифрлық жобаларға инвестициялар тарту үшін қолайлы жағдай жасау бойынша жұмыс жүргізілуде.

Мұнай өндіретін Атырау облысының кәсіпкерлері бұл бағытта айтарлықтай мүмкіндіктер мен перспективаларға ие екендігі атап өтілді, себебі мұнайгаз саласы Индустрия 4.0 элементтерін енгізу үшін әлдеқайда қолайлы салалардың бірі.

Сонымен бірге, Үкіметтің жаңа Мемлекеттік бағдарламалар: бизнесті қолдау, оның ішінде жеңілдікті несиелеу түріндегі құралдар бар АӨК дамыту мен өнімді жұмыспен қамту және жаппай кәсіпкерлікті дамыту аясында бизнесті қолдау бойынша жұмысты жалғастырып жатқандығы атап өтілді.

Сонымен бірге, Үкіметтің жаңа Мемлекеттік бағдарламалар аясында бизнесті қолдау бойынша жұмыстарды: бизнесті қолдау, оның ішінде жеңілдікпен несиелендіру түріндегі құралдары бар АӨК дамыту мен өнімді жұмыспен қамту және жаппай кәсіпкерлікті дамыту жұмыстарын жалғастырып жатқандығы атап өтілді.