ҚР-ның өңдеуші секторы инвестиция тартуда ең жоғары көрсеткішке жетті - М.Пішембаев
«2015 жылы экономиканың өңдеуші секторы елімізге инвестиция тартудың ең жоғары көрсеткішіне жетті, бұл осы сектордың басқа елдерге қызықты екенін білдіреді», - деді М.Пішембаев.
Оның айтуынша, өңдеуші өнеркәсіптегі еңбек өнімділігі 5 жыл ішінде 1,9 есеге артып, ал өндіріс сыйымдылығы орташа есеппен алғанда 10 пайызға қысқарды.
«Алдыңғы 5 жылмен салыстырғанда соңғы бес жылда өңдеуші секторға 2,9 есе көп инвестицияны тарттық. Экспорт өнімінің номенклатурасы 1815 позициядан 2534-ке ұлғайды», - деді ол.
Депутат айтып өткендей, Қазақстанның ЕАЭО-ға және ДСҰ-ға енуі қазақстандық тауарларды экспорттауға, бірлескен өндірістер құруға, инвестициялар тартуға, сауда жағдайын жақсартуға мүмкіндік береді.
М.Пішембаевтың пікірінше, барлық күштерді шоғырландыру 2019 жылдың соңына қарай өңдеу өнеркәсібіндегі еңбек өнімділігін 30-40%-ға, экспорттық тауарлар айналымын 4 млрд. долларға дейін арттыруға, өңдеу өнеркәсібінің негізгі капиталына 8,6 трлн. теңге көлемінде инвестиция тартуға мүмкіндік береді.