USD 434.34 EUR 491.93
RUB 5.56 CNY 68.67
Jańalyqtar

ҚР Мемлекеттік хатшысы Жамбыл Жабаев пен Нұрғиса Тілендиевтің ескерткішіне гүл шоғын қойды

2021 жылғы 3 желтоқсан 13:24
Бөлісіңіз:
ҚР Мемлекеттік хатшысы Жамбыл Жабаев пен Нұрғиса Тілендиевтің ескерткішіне гүл шоғын қойды

АЛМАТЫ. ҚазАқпарат - Мемлекеттік хатшы Қырымбек Көшербаев бастаған бір топ делегат Алматы облысындағы Жамбыл Жабаев атындағы әдеби-мемориалды музей-үйінде болды, деп хабарлайды ҚазАқпарат тілшісі.

Премьер-министрдің орынбасары Ералы Тоғжанов, Алматы облысының әкімі Қанат Бозымбаев, Мәдениет және спорт министрі Ақтоты Райымқұлова, Қырғызстанның Мемлекеттік хатшысы және қоғам қайраткерлері мен ақын, жазушылар Жамбыл Жабаев пен Нұрғиса Тілендиевтің ескерткішіне гүл шоғын қойып, құран бағыштады.

Содан кейін Жамбыл Жабаевтың әдеби-мемориалдық музейінде жас ақын, жазушылармен кездесу өтті. Жиын барысында «Жамбыл Әлемі» кітабының 30 томдығы таныстырылды.

Шара барысында Алматы облысының әкімі Қанат Бозымбаев биыл қазақтың біртуар ақынының 175 жылдық мерейтойы республика көлемінде кеңінен аталып өтіп жатқанын тілге тиек етті.

Тек Алматы облысында 700-ден астам түрлі іс-шаралар: әдеби кештер, тақырыптық экскурсиялар, кітап көрмелері, дөңгелек үстелдер, ақындар айтысы және ақын шығармашылығын насихаттауға бағытталған басқа да іс-шаралар ұйымдастырылды.

Шара ҚР Тәуелсіздігінің 30 жылдығы мен ақын Жамбыл Жабаевтың 175 жылдығын мерекелеу аясында өткізіліп отыр.


Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT