+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ҚР Қорғаныс министрлігінде әскери спортшыларға құрмет көрсетілді

2019 жылғы 11 желтоқсан 19:18
Бөлісіңіз:
ҚР Қорғаныс министрлігінде әскери спортшыларға құрмет көрсетілді

НҰР-СҰЛТАН. ҚазАқпарат - Қорғаныс министрлігінде 2019 жылдың қорытындысы бойынша Армия орталық спорт клубының әскери спортшыларына құрмет көрсету рәсімі өтті, деп хабарлайды ҚазАқпарат министрліктің баспасөз қызметіне сілтеме жасап.

Жыл бойы халықаралық жарыстарға қатысып, бақ сынаған әскери спортшыларға мерзімінен бұрын әскери атақтар, наградалар, сыйлықақылар мен алғыс хаттар табысталды.

«Қазақстанның әскери спорты жылдан жылға белсенді түрде жетістіктерін арттыруда. Біздің әскери қызметшілер тұғырдан түспей, рекордтар жаңартып келеді. Барлық сәттіліктердің Қарулы күштерімізбен байланысты болғанын қалар едім. Халықаралық жарыстарда ел намысын қорғап жүрсіздер. Сонымен қатар осы халықаралық жарыстарда да бәрі Сіздердің Қарулы күштердің тәрбиеленушілері екендеріңізді білуге тиіс», - деді ҚР Қорғаныс министрі Нұрлан Ермекбаев спортшыларға арнаған сөзінде. Сонымен қатар, министр оларға сарқылмас қуат пен жаңа жеңістер тіледі.

Спортшылар арасында алғыспен атап өткендердің бірі – ҚР ҚК қызметкері Жандос Мадехиянов болды. Ол 2019 жылғы жастар арасында өткен қоян-қолтық күрестен әлем чемпионы атанды.

«Бала күнімнен спорт пен әскери ортаға деген қызығушылығым болды. Біз түрлі жарыстарға қатыстық. Осы жылғы еңбегімнің бағаланғанына қуаныштымын. Менің жетістіктерім марапатқа ие болып, жоғары бағаланды», - деп спортшы атап өтті.

Бұдан өзге, халықаралық санаттағы қазы майор Аманжол Рахметовқа мерзімінен бұрын «подполковник» әскери атағы берілді. Халықаралық санаттағы қазы мәртебесін алған майор Еркебұлан Түсіпханов «Халықаралық ынтымақтастыққа үлесі қосқаны үшін» медалімен марапатталды.

Олимпиада чемпионы, Қытайда өткен Бүкіләлемдік әскери ойындарының жеңімпазы, жеңіл атлетші майор Ольга Рыпаковаға, халықаралық санаттағы спорт шебері, ҚР бес дүркін чемпионы, боксшы Теміртас Жүсіповке және Азия жүлдегері, Бүкіләлемдік бокс (WSB) сериясы бойынша екі мәрте чемпион атанған Асланбек Шынбергеновке, таеквондодан Азия чемпионаты мен Азия ойындарының күміс жүлдегері кіші сержант Руслан Жапаровқа сыйақы берілді.

Сонымен қатар, V Халықаралық қоян-қолтық күресінің турнирі мен ҚР Тұңғыш Президенті кубогына өткен армияның қоян-қолтық күресінің жеңімпазы қатардағы жауынгер Сора Рахмонова алғыс хат алды. АОСК-ның жаттықтырушысы капитан Олжас Ақбаевқа грамота берілді.

Айта кетерлігі, 2019 жылдың басынан бастап ҚР Қорғаныс министрлігінің Армия орталық спорт клубы – Спорт комитетінің штаттық командаларынан 100-ден астам әскери қызметші мен азаматтық персонал республикалық және халықаралық деңгейдегі 110 спорттық іс-шараға қатысып, әр түрлі дәрежедегі 250-ден астам медал жеңіп алды. 2019 жылы әскери спорттағы маңызды оқиға Қытайда өткен VII Бүкіләлемдік әскери ойындар болды. Қазақстанның құрама командасы 109 қатысушы ел және 9 мың әскери қызметші арасынан 12-ші орынды иеленді. Ел қоржынында – 4 алтын, 3 күміс және 5 қола медаль бар.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059

MURAǴAT