+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ҚР Қарулы Күштерінің өкілдері АҚШ мамандарымен тәжірибе алмасты

2013 жылғы 1 қазан 18:00
Бөлісіңіз:
ҚР Қарулы Күштерінің өкілдері АҚШ мамандарымен тәжірибе алмасты

АСТАНА. 1 қазан. ҚазАқпарат - Астанада Қазақстан Республикасы Қорғаныс министрлігі өкілдері АҚШ армиясы Әскери колледжінің және Чехия Ұлттық қорғаныс университетінің оқытушыларымен кездесті. Семинар «Бейбітшілік жолындағы әріптестік» бағдарламасы шеңберінде өтті. Бұл туралы ҚР Қорғаныс министрлігінің баспасөз қызметінен хабарланды.

Іс-шараға сондай-ақ Қазақстан Ұлттық қорғаныс университеті әскери-мемлекеттік басқару факультетінің профессорлық-оқытушылық құрамы қатысты.

Профессор Джон Бонин, доктор Скот Горман және доктор Ян Спишак НАТО блогы мен АҚШ құрлық әскерлері әскери доктриналары жүйесін, сондай-ақ өз елдері әскери оқу орындарының оқыту әдістері туралы әңгімеледі, тактикалық операцияларды дайындау және өткізуге батыс елдері әскери көзқарастарының трансформациялану бағыттары талқыланды.

«Семинар барысында алынған ақпарат, болған тәжірибе алмасу, оқытушылардың кәсіби деңгейінің сапасын арттыруға, қазіргі заман жағдайында операцияларды дайындау және өткізуге шет елдердің көзқарасын талдауға көмек береді», - деп Ұлттық қорғаныс университеті бастығының орынбасары Альберт Мухаметов атап өтті.

Семинарға қатысушылар әлемдегі жылдам өзгеріп отырған әскери-саяси жағдайды, қару-жарақ пен әскери техника жаңа үлгілерінің, ұрыс іс-қимылдарын жүргізудің жаңа тәсілдері мен құралдарының пайда болуын ескере отырып, кездесу тақырыбының өзекті екенін атап өтті.

Кездесу сенім мен өзара түсіністік жағдайында жалғасып, оқытушылар семинар тақырыбы бойынша қойылған сұрақтарына тыңғылықты жауаптар алды.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT