+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

ҚР Индустрия вице-министрі Армениядан жеткізілген көліктерге қатысты пікір білдірді

2019 жылғы 1 тамыз 13:44
Бөлісіңіз:
ҚР Индустрия вице-министрі Армениядан жеткізілген көліктерге қатысты пікір білдірді

НҰР-СҰЛТАН. ҚазАқпарат – ҚР Индустрия және инфрақұрылымдық даму вице-министрі Аманияз Ержанов Армениядан жеткізіліп жатқан автокөліктерге қатысты пікір білдірді, деп хабарлайды ҚазАқпарат тілішісі.

Ұқсас жаңалықтар
Тараздан Мойынқұмға әуе тасымалы іске қосылады Қазақстанды ескі-құсқы көлік басып барады Қазақстанда автомобиль өндірісінің көлемі 200 млрд теңгеге жуықтады

«Біз өзіміздің ақпараттық арналарымыз арқылы АҚШ-тан Арменияға шамамен 60 мың автокөлік жеткізілгенін білеміз. Енді олар бұл көлікті елдеріне кіргізді, бізде бірыңғай Кедендік тариф бар. Дегенмен, олар көліктерді өздерінде қалдыруы тиіс. Ал барша Кедендік одаққа тарату үшін біздің азаматтар Арменияда уақытша тұрғылықты жерді рәсімдеп, Арменияның азаматтарымен қатар осы машиналарды сатып алады. Яғни ешбір қосымша баж салығынсыз көліктерді Қазақстанға армяндық нөмірлерімен кіргізіп, осында емін-еркін жүр», - деді А. Ержанов Үкімет үйінде өткен баспасөз мәслихатында.

Оның сөзіне қарағанда, бұл өз кезегінде қазақстандық жол полицейлері үшін проблема тудырады.

«Оларды жауапкершілікке тарта алмайды. Атап айтқанда, осы нөмірмен жүрген көліктер жолдағы жылдамдықты асырып, жол ережесін бұзса да, осы үшін ешқандай жауапкершілікке тартылмайды. Сонымен бірге, айыппұл төлемейді, сотқа тартылмайды. Мұндай көліктер көптеп кіргізілсе, онда біздің жеңіл көлік өндірісін арттыру бойынша жұмыстарымыз және автонесиелеу бойынша шараларымыз босқа қалады», - деді вице-министр.

Оның сөзіне қарағанда, Арменияда автокөлікті екі есе арзан бағамен алуға болады. Сонымен қатар вице-министр осындай автомобильдерді сатып алуға қатысты мемлекет тосқауыл қоймайтынын атап өтті.

«Бұл бағытта қарсы шаралар қабылданбайды. Егер де ел азаматтары осындай машиналарды алғысы келсе, онда қарсы қадамдарды қабылдаудың реті жоқ. Керісінше, осының барлығы заңды болуы үшін шешім қабылау керек, яғни алдағы уақытта біздің азаматтарда заң алдында, құқық қорғау органдары алдында проблемалары болмас үшін. Арменияда уақытша тіркеуге тұру арқылы машина сатып алып, оны елімізге транзиттік нөмірмен кіргізу керек емес. Одан да көлікті алып келіп, тіркеуге қойып, заңды түрде жүрген дұрыс болар. Өйткені қазіргі кезде олар осында да, Арменияда да салық төлеп жатқан жоқ», - деді ол.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT