+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

ҚР ИИДМ комитет басшысы ауыз су бағдарламасына қатысты сынға пікір білдірді

2019 жылғы 24 сәуір 17:56
Бөлісіңіз:
ҚР ИИДМ комитет басшысы ауыз су бағдарламасына қатысты сынға пікір білдірді

НҰР-СҰЛТАН. ҚазАқпарат - Сенат спикері Дариға Назарбаева жақында ауыз су бағдарламасының жүзеге асырылуын сынға алған болатын. Бұл сынға қатысты қандай жұмыс атқарылатынын ҚР Индустрия және инфрақұрылымдық даму министрлігі Құрылыс және тұрғын-үй коммуналдық шаруашылығы істері комитетінің төрағасы Мархабат Жайымбетов айтып берді, деп хабарлайды ҚазАқпарат тілшісі.

Еске сала кетсек, осыдан екі күн бұрын сенаторлардың орталық атқарушы және жергілікті өкілетті органдары басшыларымен кездесуі барысында Сенат спикері Дариға Назарбаева ауыз су бағдарламасының жүзеге асырылуын сынға алған болатын.

«Өңірлерді ауыз су бағдарламасының ету үшін тәуелсіздік алғалы 540 млрд теңгеден астам қаржы жұмсалды. Бірақ, көптеген елді мекендерде халық таза ауыз суға қол жеткізе алмай келеді. Осы ауыз су бағдарламасы «Бермуд үштағаны» сияқты, қаржы жұмбақ жолмен жоғалып кетеді. Неліктен?», - деген еді Дариға Назарбаева.

Мархабат Жайымбетов бұл жұмыстарға қатысты кемшіліктер барын жасырған жоқ.

«Негізінен қомақты қаражат бөлінді, ауқымды жұмыстар атқарылып жатыр. Алдымен, «Ақбұлақ» бағдарламасы, кейін «Ауыз су» бағдарламасы қолға алынып, енді аймақтарды дамыту бағдарламасы осы жұмыстарды жалғастыруда. 590 млрд теңге бөлінді, 940 ауыл орталықтандырылған су жүйесіне қосылды. Бұл айтарлықтай көп жұмыс екенін айта кету керек. Әлбетте, кемшіліктер жоқ емес, аяқталмай қалған нысандар бар. Бірақ, уақыт өте келе бәрі шешілуі тиіс», - дейді Мархабат Жайымбетов.

Оның айтуынша, 2019 жылдың қорытындысы бойынша ауылды жерлерде орталықтандырылған сумен жабдықтауға қолжетімділікті ауылдар саны бойынша 62 пайызға дейін, ал тұрғындар саны бойынша 88 пайызға дейін арттыру жоспарланып отыр.

«Сондай-ақ, мемлекеттік бағдарламада бюджет қаражатын ұтымды пайдалануды қамтамасыз ету мақсатында сумен жабдықтау және су тарту жобаларын жоспарлау, іріктеу және іске асыру бойынша жүйелі тәсіл күшейтілді: құжаттарға қойылатын талаптар толықтырылды, барлық өңірде (Жамбыл облысынан басқа) 2025 жылға дейінгі ауылды жерлерге қатысты кешенді жоспарлар әзірленді. Негізгі талаптар мен басымдықтар нақтыланды», - дейді ол.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT