+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

ҚР ИИДМ-де жемқорлыққа қарсы жобалық кеңсе ашылды

2019 жылғы 12 шілде 17:04
Бөлісіңіз:
ҚР ИИДМ-де жемқорлыққа қарсы жобалық кеңсе ашылды

НҰР-СҰЛТАН. ҚазАқпарат - ҚР Сыбайлас жемқорлыққа қарсы күрес агенттігімен бірлесе «Индустрия және инфрақұрылымдық даму министрлігі - Адалдық алаңы» бірлескен жобасы іске қосылды, деп хабарлайды ҚазАқпарат тілшісі.

Жобаның миссиясы - сыбайлас жемқорлықтың алдын алу, азаматтардың ҚР Индустрия және инфрақұрылымдық даму министрлігі мен оның қарамағындағы ұйымдарға деген сенімін арттыру.

«Сыбайлас жемқорлыққа қарсы іс-қимыл бойынша жүргізіліп жатқан жұмыстар аясындағы кейбір іс-шараларды атап өткім келеді. Мәселен, көлік, өнеркәсіптік қауіпсіздік, геология және жер қойнауын пайдалану, техникалық реттеу және метрология салаларындағы бақылау-қадағалау функциялары шамамен 30 пайызы қысқартылды. Көрсетілетін мемлекеттік қызметтердің сапасын арттыру бойынша іс - шаралар жүргізілді»,-деді ҚР ИИДМ жауапты хатшысы Мереке Пішембаев.

Сонымен қатар ол көлік мәселелері бойынша заңнамаға өзгерістер енгізілгенін еске салды. Бұдан бөлек, сыбайлас жемқорлық көріністерінің жолын кесу үшін сыбайлас жемқорлыққа қарсы іс-қимыл жөніндегі уәкілетті органға нақты уақыт режімінде көліктік бақылау бекеттеріндегі инспекторлардың жұмысын бақылауға мүмкіндік берілді.

Сыбайлас жемқорлыққа қарсы іс-қимыл жөніндегі жоба келесі салаларда жұмыс істейтін болады: индустриалық даму және өнеркәсіптік қауіпсіздік; жер қойнауын пайдалану; автомобиль жолдары; азаматтық авиация; көлік; құрылыс және тұрғын үй-коммуналдық шаруашылығы; қорғаныс өнеркәсібі.

Көрсетілген бағыттар аясында бірқатар міндеттер қарастырылған. Осы орайда қолданыстағы НҚА-ны талдау және жетілдіру, ішкі және сыртқы бизнес-процестерді талдау, оларды оңтайландыру, ұйымдастыру-басқару қызметін талдау, Сондай-ақ заманауи цифрлық технологияларды енгізу секілді қадамдар ескерілген.

Өз кезегінде ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов «Адалдық алаңы» жобасының ауқымы кеңейіп келе жатқанын атап өтті.

«Бүгін Индустрия және инфрақұрылымдық даму министрлігінде «Адалдық алаңы» жобалық кесесін ашқалы отырмыз. Бұл үлкен ауқымды жұмыс Елбасының тапсырмасымен жүргізіліп жатыр. Биыл осы жоба еліміздің барлық өңірлерінде өз жұмысын бастады. Сонымен қатар, республикалық деңгейде де тиісті шаралар іске асырылуда. Бірнеше министрлікте осындай жобалық кеңселер ашылған болатын», - деді агенттік өкілі.

Жобалық кеңсе жұмысының басталуына ұйытқы болатын құжатты бүгін Мереке Пішембаев пен Олжас Бектенов рәсімдеді.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT