ҚР ИИДМ Автомобиль жолдары комитетінің төрағасы тағайындалды

НҰР-СҰЛТАН. ҚазАқпарат - ҚР Индустрия және инфрақұрылымдық даму министрінің бұйрығымен Сайранбек Солтанбекұлы Бармақов Автомобиль жолдары комитетінің төрағасы болып тағайындалды. Бұл туралы primeminister.kz хабарлайды.

С. Бармақов 1963 ж. Шығыс Қазақстан облысында туған. Өскемен жол-құрылыс институтын бітірген. Мамандығы - инженер-механик.

Еңбек жолын 1986 ж. Талдықорға облысында Бөрлітөбе аудандық автомобиль жолдары мекемесінде желілік механик, бас инженер болып бастады.

1991 жылдан 2006 ж. аралығында Қапал ПДУ басшысы, «Талдықорған жолдары» АҚ бастығының орынбасары, «ДЭУ-25» ЖШС директоры қызметтерін атқарды.

2006 жылдан 2008 ж. аралығында ҚР Көлік және коммуникациялар министрлігінің бөлім бастығының м.а., бөлім және басқарма бастығы болып жұмыс істеді.

2008 жылдан 2013 ж. - ҚР Көлік және коммуникациялар министрлігінің Автомобиль жолдары комитетінің Шығыс Қазақстан облыстық департаментінің директоры.

2013 ж. - «Щучинск санаторийі» АҚ бас директорының орынбасары.

2014 ж. «Қазавтожол» РМК бас директорының орынбасары болды.

2014 жылдан 2015 ж. аралығында ҚР Инвестициялар және даму министрлігінің Автомобиль жолдары комитеті төрағасының орынбасары м.а. болып қызмет етті.

2015 жылдан 2019 ж. - ҚР Инвестициялар және даму министрлігінің Автомобиль жолдары комитеті төрағасының орынбасары.

2019 ж. ақпан айынан бастап қазірге дейін ҚР Индустрия және инфрақұрылымдық даму министрлігінің Автомобиль жолдары комитетінің төрағасының орынбасары болды.