ҚР Бокс федерациясы биылғы жылдың үздіктерін анықтады

НҰР-СҰЛТАН. ҚазАқпарат – Қазақстан Бокс федерациясы биылғы маусымды қорытындылап, жылдың үздік спортшыларын және бапкерлерді марапаттады, деп хабарлайды ҚазАқпарат тілшісі.
ҚР Бокс федерациясынан мәлім еткендей, биылғы жылдың «Үздік боксшысы» атағын ерлер арасында Бекзад Нұрдәулетов жеңіп алды.
Айта кетейік, 21 жастағы маңғыстаулық боксшы биыл Екатеринбургте өткен әлем чемпионатында қарсылас шақ келтірмей, жеңіс тұғырының ең биік сатысынан көрінген болатын.
Ал «Әйелдер арасындағы үздік боксшысы» атағын қарағандылық Милана Сафронова қанжығасына байлады. Ол биыл әлем және Азия чемпионаттарында жүлдегер атанды.
Сондай-ақ, «Үздік жас боксшы» жүлдесін жастар арасындағы Азия чемпионы Махмұд Сабырхан иеленсе, «Жастар командасының үздік жаттықтырушысы» Махмұдтың бапкері Ілияс Оралбек болды.
«Қыздар арасындағы үздік жас боксшы» аталымында жеңіс Азия чемпионы Анель Сақышқа берілді.
«Үздік федерация» атағын Маңғыстау облысы иеленсе, «Үздік төреші» номинациясы халықаралық дәрежедегі төреші Ғани Ысқақовқа бұйырды.
- Хоккей: «Барыс» «Витязь» клубынан басым түсті
- Олимпиадалық іріктеу: Су добынан Қазақстан әйелдер құрамасы алғашқы жеңісіне қол жеткізді
- Хоккей: «Барыстың» бүгінгі ойынын қайдан көруге болады
- Олимпиадаға іріктеу: Су добынан Қазақстан әйелдер құрамасы Нидерландыдан жеңілді
-
Жалғас Жұмағұловтың UFC-дегі екінші жекпе-жегін қайдан көруге болады
-
Жаңқош Тұраров тәжірибелі британдық боксшымен жекпе-жек өткізеді
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам