USD 434.84 EUR 498.2
RUB 5.72 CNY 68.47
Jańalyqtar

ҚР БҒМ педагогтердің құқықтарын бұзу туралы жүзден астам өтінішті қарады

2021 жылғы 19 тамыз 11:52
Бөлісіңіз:
ҚР БҒМ педагогтердің құқықтарын бұзу туралы жүзден астам өтінішті қарады

НҰР-СҰЛТАН. ҚазАқпарат – Педагог мәртебесі бойынша заң бұзған адамдар әкімшілік жауапқа тартылды.

Ұқсас жаңалықтар
ШҚО-да математика пәні мұғалімінің озық тәсілі көпшіліктің қолдауына ие болды Қызметін бабында қаза тапқан полиция қызметкерлерінің балаларына грант беріледі Оқытудың озық әдісі: ШҚО-да мұғалім әлеуметтік желіні қалай пайдалануда

Бұл туралы «Білім және ғылым – елдің тұрақты дамуының кепілі» тақырыбындағы педагогтердің Республикалық тамыз конференциясының пленарлық сессиясында ҚР Білім және ғылым министрі Асхат Аймағамбетов мәлім етті, деп хабарлайды ҚазАқпарат тілшісі.

Министр «Педагог мәртебесі туралы» Заң аясында Білім және ғылым министрлігі педагогтердің еңбек жағдайын жақсарту бойынша жұмыс жүргізіп жатқанын атап өтті. Бұл саладағы қадамдар мұғалімдерді өзге жұмыстар мен тексерулерден босатып, материалдық ынталандыруға бағытталған.

Сапаны қамтамасыз ету және педагог құқықтарының бұзылуына жол бермеу мақсатында білім сапасы жөніндегі аумақтық департаменттер тұрақты негізде түсіндіру жұмыстарын жүргізіп, келіп түскен өтініштерді қарайды.

«Барлық өңірде педагогтердің құқықтары бойынша аумақтық кеңестер құрылып, жұмыс істеп жатыр. Жыл басынан бері 116 ресми өтініш келіп түсті. Өтініш бойынша педагогтердің құқықтарын бұзу фактілері расталды. Олардың көбі Түркістан, Жамбыл және Шығыс Қазақстан облыстарында тіркелді. Педагогтерді өзге жұмыс түрлеріне тарту, білім алушылар мен олардың ата-аналары тарапынан құрметтемеу әрі орынсыз мінез-құлық мәселелеріне қатысты шағымдар түсті. Педагогтерді жөндеу жұмыстарына, мектеп кабинеттерін тазалауға тарту, газеттер мен журналдарға мәжбүрлеп жазу фактілері анықталды. Расталған фактілер бойынша кінәлі адамдар әкімшілік жауапқа тартылды», - деді А. Аймағамбетов.

Осы орайда министр педагог мәртебесі өте маңызды екенін, сондай-ақ бұл саладағы заң бұзушылықтар айрықша тексерілетінін атап өтті.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT