+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

ҚР Ауыл шаруашылығы министрлігі инвестиция үшін маңызды салаларды анықтады

2020 жылғы 8 тамыз 21:00
Бөлісіңіз:
ҚР Ауыл шаруашылығы министрлігі инвестиция үшін маңызды салаларды анықтады

НҰР-СҰЛТАН. ҚазАқпарат - Қазақстан мен Германияның агроөнеркәсіптік кешені ынтымақтастығы аясындағы жұмыстар жайлы Ауыл шаруашылығы бірінші вице-министрі Айдарбек Сапаров ГФР Азық-түлік және ауыл шаруашылығы Федералды министрлігінің Парламенттік статс-хатшысы Уве Файлермен талқылады.

Ұқсас жаңалықтар
Павлодар облысында картоп бағасының маусымдық өсуіне жол бермеу әдісі табылды Қазақстанның денсаулық сақтау саласына құйылған инвестиция көлемі артты Тараздағы жәрмеңкеде өнімдер нарықтағыдан 10-20 пайыз төмен бағада саудаланды

Кездесу іскерлік және ғылыми орта өкілдерінің қатысуымен онлайн-форматта өтті. Бейнеконференцияда тараптар аграрлық сала проблемаларын, оның ішінде COVID-19 пандемиясының тамақ өнімдерін өндіру мен өткізуге тигізген әсерін талқылады. Сондай-ақ жобалық қызмет шеңберінде жақын арадағы бір жылға арналған тығыз ынтымақтастық бағытын белгіледі.

Саяси және қоғамдық пікірталастарда COVID-19 тақырыбы өзекті болып табылады. Коронавирус инфекциясының таралуы экономиканың барлық салаларына, соның ішінде ауыл шаруашылығына да әсер етті. Пандемияның белсенді әрекеті кезінде көптеген елдер өз шекараларын жауып, автокөліктердің қозғалысын шектеді, бұл азық-түлік өнімдерін уақтылы жеткізуге кедергі болды. Көптеген шаруашылықтар әлі күнге дейін жұмысшылардың жетіспеушілігін бастан кешуде-осы және басқа да көптеген проблемалар азық-түлік қауіпсіздігінің маңыздылығын айқындады.

«Тиісті қорытынды жасап, пандемия жалғасқан жағдайда қауіп-қатерге дайын болу керек. Бұл бағытты Германия Еуроодақ Кеңесіне төрағалық еткен кезден бастап стратегиялық бағыт ретінде белгіледі»,-деп атап өтті өз баяндамасында Парламенттік статс-хатшы Уве Фейлер.

«Шаруалар үшін алға қойған мақсаттар орындалуы керек. Оларды қолдау керек. Бұл бағыттағы ілгерілеу көпжылдық қаржыландыру бағдарламасы бойынша әрі қарайғы келіссөздерге, бірлескен агроөнеркәсіп саясаты және фермерлік шаруашылық стратегиясына байланысты. ЕАЭО-да жануарлардың әл-ауқатына және кеңейтілген қоректік құндылықтарға қатысты бірыңғай сапа белгісін құру қажет», деді ол.

Бұл бағыттар Германия мен Қазақстан ынтымақтастығының екіжақты бағдарламасы шеңберіндегі жобалық жұмыстарда көрініс табады. Неміс тарапы өз аграрлық азық-түлік секторын дамытуда қолдау көрсету үшін шетелдік әріптестермен тәжірибе алмасуға дайын екенін білдірді.

Өз кезегінде, ҚР Ауыл шаруашылығы бірінші вице-министрі Айдарбек Сапаров қазіргі жағдайда Қазақстанның ауыл шаруашылығы саласын дамыту векторлары ауыл шаруашылығы өнімдерін қайта өңдеуді тереңдетуге, азық-түлік өнімдерін өндіруді ұлғайту есебінен елдің азық-түлік қауіпсіздігін қамтамасыз етуге және импортты алмастыруға бағытталатынын айтты.

А.Сапаровтың сөзінше, ауыл шаруашылығындағы еңбек өнімділігін арттыру үшін саланы техникалық және технологиялық тұрғыдан қайта жарақтандыруға баса назар аударылатын болады. Өсімдік шаруашылығында бірінші кезекте сапалы тұқым, тыңайтқыштарды қолдану, заманауи техникалар, мал шаруашылығында асыл тұқымды мал үлесі ұлғайтылады.

«Бүгінгі күні ведомство алдында өндірісті барынша дамыту міндеті тұр, сол арқылы басым бағыттардағы инвестициялық жобаларды іске асыру арқылы импортқа тәуелділікті азайтуға болады», - деді ол.

«Ауыл шаруашылығы министрлігі импортты алмастырумен және экспортты дамытуға тікелей байланысты салаларға инвестиция салудың ең перспективалы бағыттарын бөлді: ет, сиыр, қой және шошқа етін қоса алғанда, ет өндіру, қайта өңдеу, сүт, жеміс-жидек пен көкөністерді өндіру және өңдеу, оның ішінде жылыжай көкөністері; майлы дақылдар мен дәнді дақылдарды қайта өңдеу, сонымен қатар жыл сайын елде және әлемде танымал бола түсетін органикалық өнімдер өндірісі», - деп толықтырды бірінші вице-министр.

Сонымен қатар, тараптар Германия-Қазақстан аграрлық-саяси диалогының екіжақты ынтымақтастық жобасын жүзеге асыруды талқылады.

ГКАПД- 2009 жылы Қазақстан Республикасының Ауыл шаруашылығы министрлігі мен Германия Федеративтік Республикасының Азық-түлік және ауыл шаруашылығы федералды министрлігі арасында құрылған екіжақты ынтымақтастық жобасы.

Аграрлық-саяси диалог өкілдері бейнеконференцияға қатысушыларды алдағы жылдың жоспарларымен таныстырды. Жұмыс екі бағытта - органикалық ауыл шаруашылығын дамыту және агроөнеркәсіптік кешенді қаржыландыру арқылы жүзеге асырылады.

«Органикалық ауыл шаруашылығы саласында - біз осы бағытта жұмыс істей бастадық. Біріншіден, біз нарықты талдап, Еуропаға органикалық өнімдерді экспорттау мүмкіндіктерін зерттегіміз келеді. Бұл қазақстандық ауылшаруашылық тауарын өндірушілерге жаңа экспорттық нарықтарға шығу перспективаларын көруге кепілдік беруі керек», - деді жобалық топтың жетекшісі Александр Барневиц.

Агроөнеркәсіптік кешенді қаржыландыру бағытында жобалық топ «ҚазАгро» қоржынынан инвестициялау мүмкіндігі бар қазақстандық компанияларды таңдауды жоспарлап отыр.

«Біз Германиядан серіктестер тауып, жаңа нарықтар аша аламыз», - деді А. Барневиц.

Кездесу соңында ауыл шаруашылығы бірінші вице-министрі Айдарбек Сапаров сенімді, нақты нәтижелерге бағытталған жұмысты жалғастыруға және Қазақстан Республикасында әлеуетті жергілікті әріптестерді іздеуге жәрдем көрсетуге дайын екендігін білдірді.

Естеріңізге сала кетейік, ағымдағы жылдың қаңтар айында Қазақстан Республикасының Ауыл шаруашылығы бірінші вице-министрі Айдарбек Сапаров бастаған қазақстандық делегация Берлинде өткен «Жасыл апта 2020» (International Green Week 2020) халықаралық азық-түлік көрмесінің салтанатты ашылуына қатысты.

Өткен бейнеконференция іскерлік кездесудің жалғасы болып табылады.


Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT