+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

ҚПЛ: «Астана» мен «Қайрат» жеңіске жетті

2019 жылғы 15 қыркүйек 21:16
Бөлісіңіз:
ҚПЛ: «Астана» мен «Қайрат» жеңіске жетті

НҰР-СҰЛТАН. ҚазАқпарат - Бүгін еліміздің алты қаласында футболдан Премьер-лига командалары арасындағы ел біріншілігінің 26-тур ойындары өтті, деп хабарлайды ҚазАқпарат тілшісі.

Ұқсас жаңалықтар
ҚПЛ: «Тобыл» өз алаңында «Ордабасыдан» жеңіліп қалды ҚПЛ: «Жетісу» үздіктерге жақындай түсті Футзалдан Чемпиондар лигасы: «Қайрат» және «Аяттың» қарсыластары анықталды

Павлодарда жергілікті «Ертіс» клубы «Таразды» 1:0 есебімен тізе бүктірді. Оны 12-минутта павлодарлық ойыншы Деян Георгиевич соқты.

Турнир кестесінде көш басында келе жатқан Қостанайдың «Тобылы» бүгін өз алаңында Көкшетаудың «Оқжетпесін» 1:0 есебімен жеңді. Жеңіс голын 86-минутта қостанайлық шабуылшы Сенан Себаи өзінің еншісіне жазды.

Бұған дейін турнир кестесінде үздік үштікте келе жатқан Шымкенттің «Ордабасы» командасы өз алаңында ойламаған жерден Қызылорданың «Қайсар» командасына 0:2 есебімен жол берді. «Қайсар» сапынан шабуылшы Куле Мбомбо 23 және 31 минуттарда дубль жасады.

Алматының «Қайраты» бұл турда жақсы ойын өрнегін көрсетті. Бүгін өз алаңында Талдықорғанның «Жетісу» клубын қабылдаған олар бірінші кезеңде үш гол соғып үлгерді. Оны Адеринсола Эсеола 13, Ғафуржан Сүйімбаев 19, Мартон Эппель 31-минуттарда орындады. «Жетісу» сапынан 59-минутта Айбар Жақсылықов есеп айырмасын қысқартқан еді. Десе де, 80-минутта Адеринсола Эсеола тағы бір голдың авторы атанды. Осылайша «Қайрат» 4:1 есебімен жеңіске жетті.

Соңғы төрт турда жеңілістен көз ашпаған «Атырау» бұл турда сырт алаңда «Ақтөбемен» кездесті. Ақтөбеліктер алғаш болып есеп ашты. Оны 23-минутта Абат Айымбетов соқты. Дегенмен оған «Атырау» сапынан Эдуард Сергиенко 38, Исламнур Абдулавов 45-минутта бір-бір голдан жауап қайырды. Ал 64-минутта таразы басы теңесті. «Ақтөбе» шабуылшысы Маркос Пиццелли мергендік танытты. Ойынның бітуіне сәл қалғанда «Ақтөбе» ойыншысы Асланбек Кәкімов жеңіс голын соқты. Нәтижесінде «Ақтөбе» 3:2 есебімен жеңіске жетті.

Елордалық «Астана» өз алаңында Қарағандының «Шахтер» командасымен кездесті. «Шахтер» ойыншысы Доньет Шкодра 35-минутта есеп ашты. Елордалық клуб сапынан Марин Томасов 54-минутта таразы басын теңестірді. Ал 66-минутта қарағандылық Милош Видович өзінің қақпасына гол соғып алды. Ойында «Астана» 2:1 есебімен басым түсті.

Келесі 27-тур ойындары 22 қыркүйекте өткізіледі. Бұл турда «Жетісу» мен «Астана», «Ордабасы» мен «Ақтөбе», «Шахтер» мен «Тобыл», «Қайсар» мен «Қайрат», «Оқжетпес» пен «Ертіс», «Тараз» бен «Атырау» командалары кездеседі.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT