+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

ҚПЛ: «Астана» елордада «Қайратты» жеңіп, чемпиондыққа жақындай түсті

2019 жылғы 20 қазан 22:22
Бөлісіңіз:
ҚПЛ: «Астана» елордада «Қайратты» жеңіп, чемпиондыққа жақындай түсті

НҰР-СҰЛТАН. ҚазАқпарат - Бүгін футболдан Премьер-лига командалары арасындағы Қазақстан біріншілігінің 30-турындағы соңғы ойын өткізілді. Бұл матч елордада «Астана» мен Алматының «Қайрат» командалары арасында болды, деп хабарлайды ҚазАқпарат тілшісі.

Ұқсас жаңалықтар
Еуро-2020: Қазақстан бірінші кезеңде Сан-Мариноны ірі есеппен жеңді Еуро-2020: Қазақстан Сан-Мариноны жеңе ала ма Футбол: «Ақжайық» пен «Тараз» тең тарқасты

Бұл кездесуді жанкүйерлер асыға күткені рас. Екі команда биыл чемпиондық атаққа таласып келеді. Бүгінгі ойында жеңіске жеткен команда үшін сол атаққа қол жеткізу мүмкіндігі арта түсетіні белгілі.

Осындай жағдайды жете түсінген екі команда негізінен шабуылға иек артты. Бір-біріне лайықты қарсылық көрсетіп жатты. Ойынның 8-минутында «Астана» сапынан Марин Томасов алыстан қақпаны дәл көздеп, өз командасын алға шығарды. Бұдан кейін «Қайрат» ойыншылары таразы басын теңестіруге ұмтылды. Алаң иелерін біршама уақыт тықсырып бақты. Әйтсе де өз көздегеніне жете алған жоқ.

Екінші кезеңде де ойын барысы дәл осылай өрбіп жатты. Бұл кезеңде алаң иелері тағы бір гол енгізді. Әуелете берілген допты «Астана» шабуылшысы Сергей Хижниченко 61-минутта баспен ұрып, қақпа торында тулатты. Осылайша елордалық клуб 2:0 есебімен алға шықты. Ойынның 68-минутында қайраттық Раде Дугалич есеп айырмасын қысқартқан еді. Ойын нүктесін 90-минутта Рангело Янга қойды. «Астана» бүгінгі кездесуде 3:1 есебімен жеңіске жетті.

Қазірге дейін аталмыш турдағы бес ойын өткізілді. Оның екеуі кеше болса, үшеуі бүгін ойналды.

Енді «Қайрат» 3, «Астана» 4 ойын өткізеді. «Қайрат» 26 қазанда өз алаңында «Тобылмен» ойнаса, «Астана» «Ақтөбені» қабылдайды. Одан кейін «Астана» 30 қазанда Көкшетауда кейінге қалдырылған 25-турда жергілікті «Оқжетпеспен» жасыл алаңға шығады. Ал 3 қазанда алматылық клуб сырт алаңда «Ертіспен» кездессе, елордалық команда «Тобылмен» шеберлік байқасады. Соңғы турда «Астана» «Ертіс», «Қайрат» «Атырау» командаларын қабылдайды.

Біздің каналымызға жазылыңыз:

Басты сөздер: Нұр-Сұлтан, Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT