Қойған жерін ұмытып қалған: 82-дегі кейуана жаңа құжат алды

ОРАЛ. ҚазАқпарат – Көші-қон полициясының қызметкерлері Орал қаласының 82 жастағы зейнеткеріне жаңадан жеке куәлік жасап берді, деп хабарлайды ҚазАқпарат тілшісі.

ҚР Ішкі істер министрлігінің баспасөз қызметінің мәліметіне қарағанда, егде жастағы Клавдия Егорова өз жеке куәлігін қай жерге қойғанын ұмытып қалған. Көші-қон полициясының қызметкерлері 1 тамыз күні зейнеткердің үйіне арнайы барып, жаңа құжат рәсімдеп берген.

«Зейнеткер қиын сәтте демеу болып, көмектескен полиция қызметкерлеріне алғыс айтты», - делінген министрліктің баспасөз қызметі таратқан ақпаратта.