18:12, 15 Тамыз 2022 | GMT +6
Қоянды су қоймасының аумағынан 19 тонна қоқыс жиналды
НҰР-СҰЛТАН. ҚазАқпарат – Нұр-Сұлтан қаласы маңындағы Қоянды су қоймасының аумағынан 19 тонна қоқыс шығарылды, деп хабарлайды ҚазАқпарат елорда әкімдігіне сілтеме жасап.
Сенбілікке 6 ұйымнан 80 адам қатысты. Олардың қатарында «Мемлекеттік күзет қызметінің» әскери қызметшілері, «Эко Полигон Астаны» ЖШС, «Clean City NC» ЖШС, «ЖасНұр» өндірістік-шаруашылық кәсіпорны» МКҚК және «Арғын Строй 2015» ЖШС кәсіпорындарының өкілдері бар.
Нұр-Сұлтан қалалық Қоршаған ортаны қорғау және табиғатты пайдалану басқармасының мәліметінше, нәтижесінде 19 тонна қалдық жиналып, полигонға шығарылды.
Іс-шара жұрт назарын қоршаған ортаның ластану мәселесіне, табиғатты сақтау мен экологиялық мәдениетті қалыптастырудың маңыздылығына аударуға бағытталды.
Фото: gov.kz