Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Қостанайлық тәртіп сақшылары екі күнде 18 шетел азаматын елден шығарды

2022 жылғы 30 маусым 09:18

ҚОСТАНАЙ. ҚазАқпарат - «Нелегал - 2022» жедел-профилактикалық іс-шарасының екі күнінде полицейлер 18 шетелдікті елден шығарып, көші-қон заңнамасын бұзудың 100-ден астам фактісін анықтады, деп хабарлайды ҚазАқпарат.

Көші-қон қызметкерлері елде Өзбекстан Республикасы 32 азаматының заңсыз еңбек етіп жүргенін анықтады.

«Қостанай облысына қарасты Денисов ауданында рұқсат құжаттарынсыз жол жөндеу жұмыстарын жүргізген Өзбекстанның 13 азаматы анықталды. Басқа жағдайларда, Өзбекстан азаматтары болып табылатын 10 және 9 адам Рудный қаласының су құбырын жөндеу және Лисаков қаласындағы құрылыс алаңында заңсыз еңбек етіп жүрген. Барлық жағдайда заңбұзушыларға қатысты материалдар шешім шығару үшін сотқа жолданды. Шетел азаматтарын жұмысқа алған жұмыс берушілер де жазаланды», - дейді полицейлер.

Тәртіп сақшылары заңсыз мигранттарды анықтау жұмыстарын 4 шілдеге дейін жалғастырады.


Автор:

Зарина Туғанбаева

Новости по теме
Ұқсас жаңалықтар
Серіктестер жаңалықтары