Қостанайлық полицейлер тұрғындарды «жолда» қабылдады
Жаңа форматта өткен «Жолда қабылдау» акциясы аясында Қостанай облысы полиция департаменті бастығының бірінші орынбасары Нығмет Исмагулов алдымен журналистер сауалына жауап берді.
Полиция полковнигі Денсаулық сақтау министрлігінің сағат 20:00-ден 09:00-ге дейін тыныштықты бұзғаны үшін жаза белгілеу туралы ұсынысына түсініктеме берді.
Оның айтуынша, сағат 23.00-ден таңғы 6.00-ге дейін тыныштықты бұзғандар әкімшілік кодекстің 437-бабымен әкімшілік жауапқа тартылып, 5 АЕК айыппұл өтейді. Егер тәртіп бұзушылық екінші рет қайталанса 10 АЕК өтейді.
«Қостанай облысында жыл басынан бері тыныштықты бұзғаны үшін 1887 адам жауапқа тартылған. Мұндай тәртіп бұзушылықтардың дені Қостанай қаласында тіркелген. Әрине, көпшілігі заңмен белгіленген уақыттан бұрын да өтініш білдіреді. Бұл жалға берілетін пәтерлердегі жағдайларға қатысты», - деп түсіндірді полиция полковнигі.
Нығмет Исмагулов полицейлер тұрғын үй секторының жанындағы кафе иелеріне қатысты шаралар қолданатынын атап өтті.
Желі пайдаланушылары тіпті кір жуғыш машинаның шуы тыныштықты бұзады деп есептейді.
Санитарлық-эпидемиологиялық станция осындай фактілер бойынша өтініш білдірген кезде шудың рұқсат етілген деңгейін белгілейді және егер ол нормадан жоғары болса, полиция әкімшілік жауапқа тартады«, - дейді Қостанай облысы ПД әкімшілік полиция басқармасының бастығы Андрей Григоревский.
Егер мұндай норма қабылданса және азаматтар қолдау көрсетсе, онда полицейлер құқық аясында жұмыс істейтін болады.
Айта кету керек, бұл жолы »Жолда қабылдау« жаңа форматта өтуде. Азаматтарды қабылдау »Nur Otan« партиясының филиалдарында және полицияның фронт-кеңселерінде ұйымдастырылған.
»Жолда қабылдау« жұмысының алғашқы сағаттарында облыс бойынша 100-ден астам азамат жүгінді. Ведомстволық желілерде тікелей эфирдегі сұрақтарға жауап берілді.
