+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Қостанайлық полицейлер тұрғындарды ашық әңгімеге шақырды

2019 жылғы 14 тамыз 10:51
Бөлісіңіз:
Қостанайлық полицейлер тұрғындарды ашық әңгімеге шақырды

ҚОСТАНАЙ. ҚазАқпарат – Қостанай облысында осы аптаның соңына қарай кезекті «Жолда қабылдау» акциясы өтеді, деп хабарлайды ҚазАқпарат облыстық полиция департаменті баспасөз қызметіне сілтеме жасап.

Ұқсас жаңалықтар
Қарағандыда қызметіне жаңа кіріскен 35 полицей ант берді Жамбылда биыл балалардың жоғалуына қатысты  50-ден астам өтініш түскен Ақмолада екі полковниктің үстінен қылмыстық іс қозғалды

Халықпен кері байланыс жасау, ашық әңгіме орнату – Мемлекет басшысының тәртіп сақшыларына қойған тапсырмасы. Соған байланысты облыстың полиция бөлімшелері басшылары «Жолда қабылдау» республикалық акциясының 5-кезеңін бастамақ. Шара 16-17 тамыз күндері сағат 09:00-ден 19:00-ге дейін департамент, әкімшілік полиция, жергілікті және көші-қон қызметі басшылығы, сондай-ақ қалалық басқармалар мен аудандық полиция бөлімдерінде өтеді. Бұдан басқа, тұрақты режімде 8 (7142) 52-57-58 қауырт желі телефоны жұмыс істейді, ол бойынша қазір азаматтар өздерін толғандырып жүрген сұрақтарын қойып, кәсіби кеңес ала алады.

«Жолдағы қабылдау» мамандандырылған автобустары мына мәселелер бойынша қызмет көрсетеді: автокөлікті тіркеу, жүргізуші куәліктерін, паспорттар мен жеке куәліктерді беру, жол қозғалысын ұйымдастыру, көші-қон заңнамасын сақтау, көлік құралдарын қайта жабдықтау, әкімшілік құқық бұзушылық үшін айыппұл төлеу, шағымдар, жол-патрульдік полициясы қызметкерлерінің іс-әрекеттеріне шағымдану, учаскелік және мектеп инспекторларының жұмысы. Маусым айынан бастап тұрғындарды қабылдау жаңа форматта жұмыс істейді. Полиция қызметкерлеріне арнайы ұйымдастырылған үйішілік қабылдау бөлмелері арқылы хабарласуға да болады», - дейді облыстық полиция департаменті бастығының міндетін атқарушы Нығмет Ысмағұлов.

Оның айтуынша, облыста 40 «ауладағы қабылдау» нүктесі ұйымдастырылған. Онда учаскелік полиция инспекторлары ПИК-пен және тұрғын үй инспекцияларымен бірлесіп тұрғындарды жергілікті жерлерде мобильдік режімде қабылдайтын болады. Қазірдің өзінде тұрғындардан 3 700 арыз-шағым түскен.

Біздің каналымызға жазылыңыз:

Бөлісіңіз:

Аударма:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT