19:36, 25 Сәуір 2023 | GMT +6
Қостанайда жылыту маусымы аяқталды
ҚОСТАНАЙ. ҚазАқпарат – Бүгін Қостанай қаласында жылыту маусымы аяқталды, деп хабарлайды ҚазАқпарат тілшісі.
«25 сәуірдегі Қостанай қаласы әкімдігінің №718 қаулысына сәйкес, Қостанай қаласында жылыту маусымы аяқталды. Бұл шешім орташа тәуліктік температураның (+10°С төмен емес) тұрақталуына байланысты қабылданды», - делінген Қостанай жылу энергетикалық компанияның мәліметінде.
Қоса кетсек, бүгін сондай-ақ Петропав қаласында жылыту маусымы аяқталды.
Ал Таразда 12 сәуір күні пәтерлерге жылу беру тоқтатылды.
Сонымен бірге алдағы 1-2 күнде елордада жылыту маусымы аяқталуы мүмкін.
«Алдағы 1-2 күнде ресми ақпарат шығады. Ережеге сәйкес, бес күн қатарынан +10 градус температура сақталса, онда жылыту маусымы аяқталады», - деп мәлім етті Астана қаласы әкімдігінің баспасөз қызметінен.