Қолданушы баптаулары
Қолданушы баптаулары
+7 (701) 759 90 19 Лента
USD 369.36 EUR 431.30
RUB 5.45 CNY 53.80
Жаңалықтар

Қостанайда жылқы іздеп кеткен әйелдің мәйіті табылды

2017 жылғы 7 қараша 10:42 2796
Бөлісіңіз:
Қостанайда жылқы іздеп кеткен әйелдің мәйіті табылды

ҚОСТАНАЙ. ҚазАқпарат - Қостанай облысының Қарабалық ауданында жылқы іздеуге шыққан әйелдің мәйіті табылды, деп хабарлайды ҚазАқпарат облыстық ІІД баспасөз қызметіне сілтеме жасап.

Оқиға Котлованное ауылында болған. Қарабалық аудандық ІІБ кезекші бөліміне ауыл тұрғыны 58 жастағы қызының жылқы іздеп кеткенін және әлі оралмағанын айтады.

«Аталған факті бойынша тәртіп сақшылары іздеу жұмыстарын ұйымдастырды. Полицейлер әйелдің денесін Котлованное ауылынан бір шақырым жердегі жол бойынан тапты. Оның белінде арқан байланғаны және көптеген дене жарақаттарын алғаны анықталды», - деп жазады ведомствоның баспасөз қызметі.

Анасының айтуынша, жәбірленуші әйел жазда бұғанасына зақым келтірген. Сол себепті арқанды ұстап, сүйрете алмайды. Жылқы әлденеден үркіп кеткен соң, иесін ала қашуы мүмкін.

Медициналық сараптамалар әйелдің жабық бас сүйек-ми жарақаты және миына қан құйылудан қайтыс болғанын көрсетті.

Бұл факт жазатайым оқиға ретінде тіркелді.

 

 


Басты сөздер: Оқиға, Қостанай облысы,
Бөлісіңіз:

Автор:

Қасқырбай Қойшыманов

Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат