Қостанайда жаяу жүргіншіні қаққан жүргізуші бағанға соғылды

ҚОСТАНАЙ. ҚазАқпарат - Жол-көлік оқиғасы Қостанайдағы Дружба көшесінде болған, деп мәлім етті облыстық ІІД баспасөз қызметі.

«9 қазан күні сағат 12.40 шамасында Дружба көшесіндегі реттелетін жүргіншілер жолағында 24-жастағы жүргізуші «ВАЗ-21099» автокөлігімен 68-жастағы жаяу жүргіншіні қағып кетіп, бағанға соғылған. Жол-көлік оқиғасы салдарынан жаяу жүргінші мен жүргізуші әр түрлі жарақаттармен ауруханаға жеткізілді», - делінген баспасөз хабарламасында.

Қазіргі уақытта осы факт бойынша әкімшілік өндіріс ісі қозғалды. ҚР Әкімшілік құқық бұзушылық туралы кодексінің 610-бабымен сараптама тағайындалды.