+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Қостанайда жастардың «әлеуметтік тойы» өтті

2019 жылғы 19 қыркүйек 23:16
Бөлісіңіз:
Қостанайда жастардың «әлеуметтік тойы» өтті

ҚОСТАНАЙ. ҚазАқпарат – Бүгін көп жылдар бойы Қостанай облысы Полиция департаментінің қамқорлығында болған Николай Жиделев деген жігіт шаңырақ көтерді.

Ұқсас жаңалықтар
Ералы Тоғжанов: Қазақстандық және шетелдік жұмысшылардың жалақысы бірдей болуы керек Павлодарда нан бағасы 85 теңгеден аспауы керек Жаңаөзендегі тұрмысы нашар отбасылар Ақтауға көшіріледі

Оның тойын тәртіп сақшылары мен облыстық жастар ресурстық орталығының қызметкерлері ұйымдастырды, деп хабарлайды ҚазАқпарат.

Қостанайдағы балалар үйінде тәрбиеленген Николай Жиделевке қостанайлық полицейлер үнемі көмек көрсетіп келген. Енді оның отау құру тойынан да сырт қалмады. Полиция департаментіңің Кадр саясаты басқармасының бастығы, полиция полковнигі Бағдат Итесов той иелерін құттықтай келді.



«Біз біртұтас елдің азаматтарымыз, қиын-қыстау сәтте қол ұшын созу – әр адамның парызы. Николай өте ізденімпаз, еңбекқор жігіт. Бүгін Қостанай облысы Полиция департаментінің бастығы Бекет Аймағамбетовтің және барлық тәртіп сақшыларының атынан құттықтап, сыйлығымызды табыс еттік», - деді ол.



Сондай-ақ, полицейлер келешекте Николайдың отбасына қолдау көрсетіп, тіпті, оның жұмысқа орналасуына септігін тигізуге уәде етті.

Облыстық жастар ресурстық орталығының мониторинг секторының жетекшісі Лейла Бексейітованың сөзінше, жастар ғаламтор арқылы табысқан.

«Николай өзінің ата-анасын ешқашан көрмеген. Ал Вераның анасы жесір қалған. Негізі бұл тойды өткізу мамыр айында жоспарланған. Осы уақытқа дейін кәсіпкерлерді іздестірдік», - дейді Лейла Бексейітова.

Жас отбасыға Қостанай облысының әкімі Архимед Мұхамбетов бағалы сыйлық тапсырды.
Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT