11:15, 21 Қазан 2019 | GMT +6
Қостанайда тұрғын үй өртеніп, екі зейнеткер көз жұмды
ҚОСТАНАЙ. ҚазАқпарат – Қостанай облысында жеке тұрғын үй секторы өртеніп, ерлі-зайыпты зейнеткерлер көз жұмды, деп хабарлайды ҚазАқпарат облыстық ТЖД баспасөз қызметіне сілтеме жасап.
Оқиға кеше түнгі 00:30 шамасында басталған Қостанай ауданының Владимировка ауылында болған. Өрт таңғы сағат 04:51-де сөндірілді.
«Өртеніп кеткен үй орнынан 1952 және 1954 жылы туған ерлі-зайыпты зейнеткерлердің денесі табылды. Мүрделер сот-медициналық сараптамаға жіберілді», - деп хабарлады ведомствоның баспасөз қызметі.
Құтқарушылардың мәліметінше, өрт электр сымдарының қысқа тұйықталуынан шыққан. Нақты себептері анықталып жатыр.
Қостанай облысының Төтенше жағдайлар департаменті азаматтарды электр сымдары мен пештерді уақытылы тексеруді ескертеді.