+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Қостанайда тұңғыш рет толықметражды фильм түсірілді

2019 жылғы 19 тамыз 00:11
Бөлісіңіз:
Қостанайда тұңғыш рет толықметражды фильм түсірілді

ҚОСТАНАЙ. ҚазАқпарат – Қостанай облысында «Кім кінәлі?» деп аталатын толықметражды фильмнің премьерасы өтті, деп хабарлайды ҚазАқпарат.

Ұқсас жаңалықтар
Ресейде Қазақстан фильмдері көрсетіледі «Барымташылар. Уақыт жолдары» фильмі Бусан кинофестивалінің ашылуында көрсетіледі «Қазақфильмнің» қысқаметражды туындылары «Байқоңыр» кинофестиваліне қатысады

«Кім кінәлі?» – тағдыр тауқыметін тартқан адамдардың тұрмысын көрсеткен туынды. Премьера бүгін «Арман 3D» кинотеатрында өтті.

«Қостанайда алғаш рет толықметражды фильм ұсынылды. Айта кетерлігі, бұл көркем туындының түсіріліміне қаражат жұмсалған жоқ. Ең маңыздысы, қостанайлықтардың киноиндустрияға шамалы да болса үлес қоса алатынын, шығармашылық әлеуетін көрсеткіміз келді. Бастамасы бар. Сәтін салса, облыстық телеарналардан, Youtube желісінен көрермендерге жол тартады. Біз бұл фильм арқылы қариялардың қиын жағдайымен бөліскіміз келді. Одан қалды, бүгінде әке мен ұлдың, ене мен келіннің арақатынасы маңызды болып тұр. Міне, фильм идеясы осыдан шықты. Түсірілім тобының бірінші жобасы көрермендердің көңілінен шыққанына қуанамыз», - дейді фильм режиссері Есбол Жатқанов.


Режиссердің сөзінше, түсіру тобы алдымен Рудныйдағы қарттар үйіне барып, сондағы жағдаймен танысқан. Сценарий авторы Әлімхан Мырзахан зерттеу жүргізіп, мәлімет жинақтады. Айта кетейік, бұл фильмге түсу үшін жүздеген әртістердің арасынан іріктеу өткізілді.Олар арнайы сынақтардан өтіп, комиссияның шешімімен таңдалды. Фильмде ҚР еңбек сіңірген қайраткері, белгілі актер Қонысбек Бегайдаров рөлдердің бірін сомдайды. Жалпы, әртістердің көбі қарапайым тұрғындардан іріктелді.


Есбол Жатқанов киноның таныстырылымына келген меймандармен сұхбаттасып, алдағы жоспарларымен бөлісті. Сөзінше, түсірілім тобы Қостанай қаласының 141 жылдығына арнап тағы бір көркем туындыны қолға алмақ.


Фильм премьерасынан соң облыстық мәдениет басқармасының басшысы Ерлан Қалмақов сөз алды. Ол туынды авторларына алғыс білдіріп, режиссер Есбол Жатқанов пен актриса Ұлжамал Сейдалинаға облыс әкімінің құрмет грамотасын тапсырды. Ал мәдениет басқармасы және қала әкімінің алғыс хатымен әртістер Нұрлан Байшин, Әлімхан Мырзахан және Нәзира Бекболатқызы, оператор-монтажшылар Абзал Самидосов, Аман Тельманов, Сәндібек Есмырзаевтар марапатталды.



Біздің каналымызға жазылыңыз:

Басты сөздер: Қостанай облысы, Мәдениет,
Бөлісіңіз:

Аударма:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT