Қостанайда шағын автобус трактормен соғысып, 10 адам жапа шекті

ҚОСТАНАЙ. ҚазАқпарат — Қостанай облысында болған жол апатынан 10 адам зардап шекті, деп хабарлайды ҚазАқпарат тілшісі Қостанай облысы полиция департаментінің баспасөз қызметіне сілтеме жасап.

Оқыс оқиға «Алматы-Екатеринбург» күре жолында болған.

«19 шілде күні түнгі 3 шамасында «Алматы-Екатеринбург» автожолында «Мерседес» автомашинасын басқарған 65 жастағы жүргізуші Қостанайға келе жатып, 584-шақырымда осы бағытта келе жатқан «МТЗ-80» тракторымен соқтығысып кеткен», - деп мәлімдеді полиция.

Оқыс оқиға салдарынан 10 адам жарақат алып, аудандық ауруханаға жеткізілген.

Осы оқиғаға байланысты тергеп-тексеру басталды.