+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Қостанайда полиция волонтерлері жұмыс істей бастады

2019 жылғы 18 қыркүйек 19:21
Бөлісіңіз:
Қостанайда полиция волонтерлері жұмыс істей бастады

ҚОСТАНАЙ. ҚазАқпарат – Қостанай облысында тәртіп сақшыларына көмектесетін еріктілер тобы құрылды, деп хабарлайды ҚазАқпарат.

Ұқсас жаңалықтар
Жамбылда биыл балалардың жоғалуына қатысты  50-ден астам өтініш түскен Ақмолада екі полковниктің үстінен қылмыстық іс қозғалды Алматының патруль полицейлері әдептілік негіздерін үйреніп жатыр

Қостанай облысы полиция департаменті баспасөз қызметінің бас маманы Кенже Қонысбайдың сөзінше, еріктілер көшелерді патрульдеу, жоғалған адамдарды іздеу, сондай-ақ профилактикалық жұмыстарды жүргізу кезінде полицейлерге көмектеседі. Бүгін жас көмекшілерге Қостанай қаласы полиция басқармасының «Набережный» бекетінде арнайы кеудешелер мен «Полиция волонтері» куәліктері тапсырылды.



«Бұл куәліктің бір артықшылығы – келешекте жұмысқа орналасуға оң септігін тигізеді. Жалпы, полиция департаментінде 500-ден астам адам ерікті түрде көмек көрсетуде. Жыл басынан бері олар 12 қылмыс пен 400 әкімшілік құқық бұзу фактілерін анықтады. Қоғамдық тәртіпті сақтауға белсене қатысқаны үшін 110 полиция көмекшісі марапатталды», - деп атап өтті жергілікті полиция қызметінің бастығы Құрмет Мәжікенов.

Полиция еріктісі Салтанат Аймұрзина куәлігін алғандардың арасында. Ол екі жыл бойы «ДОС» іздестіру жасағының құрамында белсенді жұмыс істеп келеді.

«Мен мұны азаматтық парызым деп санаймын. Біздің топ жоғалған адамдарды іздеу бойынша іс-шараларды белсенді жүргізеді, сондай-ақ мұқтаждарға көмектеседі. «Полиция волонтері» атағы одан әрі жұмысқа орналасуға мүмкіндік береді, өйткені біз осы мамандықтың қыр-сырын қазірдің өзінде меңгеріп үлгердік», - дейді Салтанат Аймұрзина.

Полиция волонтерлері қаланың орталық бөлігін қамтитын «Набережный» тірек пунктінде өз жұмысын бастайды.




Еске салсақ, еріктілер қозғалысының маңызы жайында Мемлекет басшысы Қасым-Жомарт Тоқаев ерекше атап өткен болатын. Осы жыл елімізде еріктілер жылы болып жарияланғаны мәлім.


Біздің каналымызға жазылыңыз:

Бөлісіңіз:

Автор:

Қасқырбай Қойшыманов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT